Qeqqata Kommunia
Maniitsumi ikaartarfik atoqqaarfissiorneqartoq
Ikaartarfittaa 50 meterisut takissuseqarpoq, taannalu innuttaasunut takornarianullu iluaqutaassaaq
Maniitsumi ikaartarfiit ataatsimik amerleriarput.
Ikaartarfittaaq 50 meterisut takissuseqarpoq, meterinillu tallimanik portussuseqarluni, Issuatsiartarfiup qooruata eqqaani inissisimavoq, ataasinngormallu atoqqaarfissiortinneqarpoq.
Qeqqata Kommuniani borgmesterip tullia Gedion Lyberth oqarpoq, ikaartarfik siamasissumik iluaqutaaniartussaasoq.
Takornariaqarnermut ilapittuut
- Suliniutissaq tamanna Maniitsumi takornariartitsinerup siuarsarneqarnissaanut ilapittuutaasussaavoq mikisoq, pingaaruteqartussarli, taanna tusagassiuutinut nalunaarummi allappoq.
Pisuinnaat ikaartarfiannit aallartittumik pisuttuartarfiit nalunaaqutsersugaanissaat pilersaarutaavoq.
Atoqqaarfissiortitsinerup kingorna Oqaluffitoqqami kaffillerneqarpoq.