Taekwon-Do
Maniitsumi GM
Grønlands Taekwon-Do Forbund-ip aqqa allanngortinneqarpoq ateqalerluni Kalaallit Nunaanni Taekwon-Dortartut Kattuffiat
Ukioq manna Maniitsumi Taekwon-Do-mik nunatsinni pissartanngorniunnermi peqataasorpassuaqarpoq. Unammissutinilu assigiinngitsorpassuarni ajugaasorpassuaqarpoq, unammisullu assigiinngitsunik ukioqarput - 8-niit veteraninut.
Ukioq manna GM-eqarnermit angusat ilanngunneqarput qimerluualaarneqarsinnaallutillu.
GM Maniitsumi ingerlanneqarpoq oktobarip 15-ianniit 17-iannut.
Annertunerusumik ajoqusertoqanngilaq aporfissaqarsimananilu, taamaattumik pissartanngorniunnerit eqqissisimasumik ingerlanneqarsimapput, kattuffiup aningaaserisua Lena Reimer tusagassiorfinnut nalunaarutikkut paasissutissiivoq.
Grønlands Taekwon-Do Forbundip, ataatsimeersuarnermi allanngortinneqartup Kalaallit Nunaanni Taekwon-Dortartut Kattuffiat, siulittaasuata Bolethe Stenskovip GM-ip ingerlarnga naammagisimaartorujussuuvaa.
Aappaagu GM Qaqortumi ingerlanneqassaaq, Lena Reimer paasissutissiivoq.