Akissarsiassarsineq

Malleqisumi inuit arfineq marluk annanneqarput

Patrick G. Frederiksen aammalu Hannibal Knudsen iliuuserisaminnik akissarsitinneqarput

Siorna 10. september Hannibal Knudsen-imut Patrick G. Frederiksen-imullu ulloq pisoqarfioqaaq

Marluullutik Greenland Boat Charter-imi siumiuupput. Ullorlu pineqartumi umiatsiaat ikioqqunermik kalerrisaarummik Nuup Kangerluani tigusaqarput. Umiatsiat marluk pituussaarsimapput saavigussaallutik qaarsup tungaanut. Umiatsianiissimapput inersimasut marluk meeqqallu tallimat.

Inersimasuusut marluk umiatsiat aallartissinnaasimanngilaat umiatsiamik angalasuusimannginnamik. Inuit sisamat allat umiatsianik ingerlassisuusut piniariarsimapput pisunillu ilisimannissimanngivillutik.

Umiatsianut saavigussaasunut apuukkamik inuit arfineq marluusut umiatsiap aappaanut ikaarsinnaasimanngivilluinnarput. Malissuit miiterinik marluk angullugit portutigimmata.

Nangaarianngivillutik Patrick G. Frederiksen Hannibal Knudsen-ilu annanniutitik atiortorpaat imaanut mallioqisumut pissipput umiatsianullu marluusunut ikillutik.

Umiatsiat aallartissinnaasimavaat umiarsualivimmullu apissilluarlugit.

Nuummi politiqarfimmi Johan Westen nalliuttorsiorpalaartitsinermi annertunngikkaluami oqarpoq angutit inuusuttut marluk pineqartut inersimasut marluk meeqqallu tallimat inuunermik navianartorsiorfissaraluinik pinngitsoortitsimasut.

Taamaammallu politimester-i Bjørn Tegner Bay pineqartut inuit marluk iliuuserisaannik nersorinninniarluni oqaaseqarpoq, tamatumalu saniatigut aammattaaq akissarsiassanik tamarmik immikkut 1.000 kr.-inik tunineqarlutik.

Powered by Labrador CMS