Pinngortitami ajunaarnersuaq
Malissuaqarnissaa suli aarlerinartoq
Nunap sisoorsinnaanera suli aarlerinartoq, politiit taama aarlerisaaripput. Piffimmi timmisartumik qulaavaalluni takuneqarsimavoq.
Kalaallit Nunaanni politiit unnuk manna upalungaarsimanermik nalunaarummik nutaamik nassiussipput, nalunaarummi Saattuni, Ukkusissani, Ikerasanni Qaarsunnilu innuttaasut suli sillimaqquneqarlutik.
Nalunaarummilu ima allassimasoqarpoq:
Kalaallit Nunaanni Politiit paasissutissanik tigusaqaqqammerput, tassalu innamit nakkaasoqqissinnaanera aarlerinartortaqartoq Issittumi Sakkutooqarfiup timmisartuata qulaammagu paasineqarpoq.
Nalunaarutit maannamut imaapput, malissaarsuaqartitsisunik nakkaasoqaqqissinnaanera suli aarlerinarpoq.
Tamatuma saniatigut sillimanissaq naalaarnissarlu, politiinit kaammattuutigineqarpoq:
- Angallammik aallartoqannginnissaa qanillattuisoqannginnissaalu suli inassutigineqarpoq.
- Saattuni, Ukkusissani, Ikerasammi Qaarsunnilu immap qanoq issusaa suli nakkutigineqassaaq. Ulikkiartulissappat kalerrisaarulli appissappat piaartumik qaqqaliartoqassaaq.
Politiilli nunaqarfinni pingasuni innuttaasunik qimarngussuutsitsisariaqarsorinngillat.
Nunaqarfinni taakkunani innuttaasunik qimarngussuinissaq pisariaqanngitsoq naliliisoqarpoq.
Pisoq malinnaaffigilluaqqissaarparput, politiit naggasiipput.