pilluaritsi
Malik sarfarissiorluarpoq
Nuummi naluttarfik nuannarisaaqisoq Malik ukiunik qulinngortorsiorluni arfininngornermi nalliuttorsiussaaq
Nuummi naluttarfittaarnera iluaqutaasimaqaaq 2003-milu februarip arfineq aappaani atoqqaarfissiorneqarnermi kingorna 1 millionit sinnerlugit pulaartorereersimallugit. Nalliuttorsiorneq malunnartinniarneqassaaq meeqqallu akeqanngitsumik isersinnaapput arfininngornermi nalunaaqutaq quliniit arfineq marluk tungaanut, Malimmi pisortaq Per D. Thomsen oqarpoq.
Nalliuttorsiorneq malunnartinniarlugu oqalugiartoqarlunilu nipilersortoqassaaq. Kaffillertoqarlunilu tiillertoqarlunilu kaagillertoqassaaq ullorlu naallu meeqqat akeqanngitsumik isersinnaapput.
Naluttarfimmiit tulluussimaarutigalugu nalunaarutigineqarpoq Malik tassaalersimasoq kulturimik ingerlatsiviit nunatsinni ornigarneqarnersaat tassami sapaatip akunneranut inuit 2.500-ut missaat takkuttarmata. 2003-mi atoqqaarfissiornerup kingorna 1.305.000-it naluttarfimmiisimasut nalunaarutigineqarpoq.
Naluttarfiup nalliuttorsiornerani pisussat Nuuk Uge aviisimi atuarsinnaavatit.