atuarfiit

Malik Berthelsenip meeqqat atuarfiini immikkut isiginiangassanik pilersitserusuppoq

Qeqqata Kommuniani borgmesterip Malik Berthelsenip, timersornerup silarsuaanituulli meeqqat atuarfiini nersuisarnerit pilersikkusuppai.

Borgmester Malik Berthelsen fra Qeqqata Kommunia vil i lighed med sportsverdenen forsøge at få skabt grundlag for, at elever i folkeskolen belønnes for deres flid og dygtighed

Sisimiuni Siumut sinnerlugu borgmesterinngoqqammertup timersortartut nersorneqartarnerat isumassarsiorfigai.

- Timersullaqqissut medaaliannallutillu nersornaatisisarput. Taakkuli inuusuttut pikkorissut inuusuttoqatiminnit qummut isiginiarneqartarlutik. Kulturilu tamanna meeqqat atuarfiinut atuutinneqalernissaa kissaatigaara, Malik Berthelsen Sermitsiaq.AG-mut oqarpoq.

- Meeqqat atuarfiini pikkorissut ersersinniartinnerulissavagut, akissarsitittarlugillu. Inuusuttut taakku inuusuttoqatimik pikkorinnerulernissaannik aqqutissiuusissapput, Qeqqata Komuniani borgmesteri oqarpoq.

Pitsassuseq qaffarsarneqassasoq

Taanna paasissutissiivoq isumasioqatigiittoqarnissaanik, tassani inuusuttut pikkorissut qanoq isilluni nersorneqartarnissaat ilusilersornisaa anguniaangaassalluni. Kommuneqarfinnilu atuarfeqarfiini ilinniariaatsip qaffassarneqarnissaa siunertarineqassaaq.

Borgmesteri namineq aamma suliniuteqarpoq, tassani inuusuttut amerlanerit nunanut allanut ilinniariartalernissaa anguniangarivaa.

Periarfissat allat

- Inuusuttut amerlasuut kammalaatitik danskit efterskoliinut atuariartoqatigisarpaat, taamaasillutilli avatangiisertik allanngortittarnagu. Taakku ilisimalissavaat nunani allani aamma periarfissarpassuaqartoq, taakkunani oqaatsimigut allarpassuarnilu pikkorissusaat qaffassarneqarsinnaallutik, Malik Berthelsen nassuiaavoq. Taassuma sullisseriaatsip qaffassarneqarnissaa kissaatigaa, danskimmi efterskoleqarfiisa saniatigut allanik periarfissaqarmat.

- Taamaasiornikkut inuusuttortatta nunarsuarmi allami misigisaqarnikkut nukittorsaatigissavaat, borgmesteri naqissusiivoq, taanna nammineq meeraqarpoq arfineq marlunnik 14-ninillu ukiulinnik.

Powered by Labrador CMS