Malik Berthelsen borgmesterinngorpoq

Malik Berthelsen (S) inatsisit malillugit Qeqqata Kommuniani imminut borgmesteritut taasinnaalerpoq.

Taassuma partiiminiinnaq pinnani Partii Naleqqamiik Inuit Ataqatigiinniillu tapersersorneqarnini qulakkeerpaa. Taanna katillugit aqqaneq marlunnit taperserneqarpoq.

Atassutikkut Siverth K. Heilmann borgmesterinngortussatut innersuukkaluarpaat, taannalu pingasuinnarnik taaguunneqarpoq. Ivertitsinermilu peqataanngillat.

Borgmesterip sinniisussaanngorpoq Gideon Lyberth (S) sinniisussamulli tullertut inissinneqarluni Juliane Enoksen (IA)

Erik Jensen (S) immikkut maluginiagassaavoq, taanna Naalakkersuisutut sulilernini pillugu kommunalbestyrelsimit sulinngiffeqarnissaminik qinnuteqarsimammat.

Henrik Fleicher (PN) Inatsisartuni issianini patsisigalugu sulinnginngeqarnissamut aamma qinnuteqarsimavoq.

Aningaasaqarnermut ataatsimiititaliami ilaasortat:

Malik Berthelsen (S)

Gideon Lyberth (S)
Juliane Enoksen (IA)
Evelyn Frederiksen (S)
Siverth K. Heilmann (A)