Arctic Winter Games
Maliina Abelsen politikkimut uternianngilaq
Nuummi Arctic Winter Gamesip allaffiani unammiuaarnerit kingorna matunissaq piareersarneqarpoq. Aaqqissuisuuneq Maliina Abelsen unammiuaarnerit kingorna allamik atorfeqalissaaq. Politikkimulli uterniarunanngilaq, oqarpoq
Maliina Abelsen aggustimi 2013-imi Arctic Winter Games 2016-imut aaqqissuisuunertut atorfinippoq Inatsisartututut qinikkatut sulinini unitsillugu, taamanikkut 2013-imi qinersinermi 1.334 -init taaneqarluni 2009-millu 2013-imut Inuit Ataqatigiinnit Naalakkersuisunut ilaasortaalluni.
Issittumili unammiuaarnerit naammassippata, Nunatsinni politikkimut uternissaa naatsorsuutigineqassanngilaq.
Atuaruk: Tele-Postimi Maliina siulittaasup tulliatut inissippoq
Politikki maqaasinngikkaa
- Politikkimut uteqqilersaanngilanga, aammali suli pilersaarusiunngilanga allaffimmi soraaruma sussanerlunga. Arctic Winter Gamesit kingorna sulerinissama eqqarsaatiginissaannut ulapippallaarpunga.
- Politikkimi sulinermi silaannaq pitsaanerusinnaasoq maqaasinngilara. Kingullersaallunga allaffimmit soraassaanga taamaaliussaangalu septembarip naanerani, Maliina Abelsen sociologitut ilinniarsimasoq Aningaasanullu Naalakkersuisunngunnginnermini Isumaginninnermut Naalakkersuisuusoq.
Atuaruk: Naak kaammattuisoqaraluartoq: Maliina qinigassanngortissanngilaq
AG normu 6-imi allaaserisaq atuaruk. Najukkanni pisiniarfinni imaluunniit uani ataaniittoq linki atorlugu aviisi pisiarisinnaavat: