pilluarit
Maliina Abelsen Arnatsialattut toqqagaavoq
Arnat ulluani imminnut ataatsimiititaliaatittut arnat ulluannut atatillugu Arnatsialammik toqqaapput
2016-mi Arctic Winter Gamesqarnissaani pisortaq siornatigullu inatsisartuni naalakkersuisunilu ilaasortaq Maliina Abelsen 2014-mi Arnatsialattut tallimanngornermi toqqarneqarpoq. Nersornaat arnat ulluata nunarsuaq tamakkerlugu arfininngornermi nalliussineqarnissaanut atatillugu tunniunneqarpoq.
Maliina Abelsen 2009-mi Inatsisartunut qinigaavoq aammalu aningaasaqarnermut naalakkersuisutut toqqarneqarluni. Siorna inatsisartuniit sulinngiffeqarniarluni qinnuteqarpoq qinigaaqqereeraluarluni inuussutissarsiornissaq toqqaramiuk 2016-mi Arctic Winter Gameseqarnissaani qullersatut toqqarneqarami.
Maanna 2014-mi Arnatsialattut toqqarneqarpoq arnat ulluanni ataatsimiititaliatut imminnut toqqarsimasunit
- Maliina Abelsen arnaavoq ullunut atukkaminut naleqqussartoq sinnattunilu malillugit, uummateqarluarpoq, inunnut isumaginnittuulluni soqutiginnilluarlunilu. Najuutsillugu arnat angutillu toqqissisimaffigisarpaat ataqqineqartutullu misigiffigisarlugu. Maliina Abelsen imminut unammilligassittarpoq assoralisimaaraluarluni nikallujaattuulluni. Ilaqutariinnermik pingaartitsisuuvopq imminulli aamma piffissaqarfigisarluni.
Isumassarsiullaqqissuuvoq iliuuseqarsinnaalluni, sapiitsulluni, nammineersinnaassuseqarluni, ilikkajasuuluni, annertuumik isumassarsiullaqqissuuvoq.
Pingaarnertut piumassuseqartuuvoq sulinerminilu malunnartinneq ajorpaa arnaanerluni angutaanerluniluunniit, illuanilli inuulluni naligiissitsisoq, arnat ulluani imminnut ataatsimiitiliaatittut Maliina Abelsenip toqqarneqarneranut tunngavilersuumminni allapput.