rubinit

Maligassiuisut

Qeqertarsuatsiaat eqqaanni rubinisiorfimmi sulisut nunaqavissuinnaapput. Tamatuma nunaqarfimmiit nutserneq unikaallatsissinnaagaa Qeqertarsuatsiaani nunaqarfimmi aqutsisut neriuutigaat

Qeqertarsuatsiaani innuttaasut ukiut qulikkaat marluk ingerlaneranni affaannanngorsimapput maanna 200-ut missaliuinnarlugit amerlassuseqalerlutik. Imaassinnaavoq pissutsit ilorraap tungaanut aallartut.

AG taama allaaserinnippoq.

Nunaqarfiup eqqaamiortaava Aappaluttumi rubinisiorfik nutsernerup unikaallassinnaaneranut neriuutissiivoq. Qeqertarsuatsiaani ilaqutariit arfineq marluk januarimiit aalaakkaasumik aatsitassarsiorfimmiit isertitaqalersimapput. Suliffeqarfik Greenland Ruby nunaqavissunik sulisoqarnissamut namminersorlutik oqartussanut Kommuneqarfik Sermersuumullu isumaqatigiissut sinnerlugu nunaqavissunik atuivoq.

- Inuusuttut Qeqertarsuatsiaaneersut ilinniagaqariartorlutik aallartarput. Allat nunaqarfik qimallugu suliffissarsiortut uteqqinneq ajorput. Noorarneq aallartippoq saarullinniarneq ajalusoormat kapisilinnillu tunioraaneq 1980-kkut naaneranni unimmat, nunaqarfimmi aqutsisut siulittaasuat Jonathan Jacobsen oqarpoq nuannaarutigalugulu inuusuttut nunaqarfimmeersut arlallit aalaakkaasumik aatsitassarsiorfimmi suliffeqalersimammata.

Allaaserisaq AG-aviimi tamakkerlugu atuaruk:

Powered by Labrador CMS