Skip to main content

Malene Inatsisartunut ilaasortat nukarlersarissavaat

Demokraatineersup Malene Vahl Rasmussenip ilinniarnermini inaarutaasumik soraarummeerutissani allappaa, saniatigullu pitsaaliunermik suliniummik suliaqarluni. Aqagulu marlunngornarmi Inatsisartut ammaanersiorneqarneranni ilaassaaq

23-nik ukiulik Malene Vahl Rasmussen (D) Qaqortumeersoq Inatsisartunut ilaasortat nukarlersarissavaat. 

Apriilip 24-anni Inatsisartunut qinersisoqarnerani 80-nit taaguunneqarpoq.

- Inatsisartut ammaanersiorneqarnerannut ilaanissara eqqarsaatigigaangakku aqajannguummertarpunga. Inatsisartut ammaanersioraangata malinnaajuaannarnikuuvunga, aqagu nammineq ilaanissara uppernanngingajappoq. Aqagu silaginnissaa neriuutigaara, taanna Sermitsiaq.AG-mut oqarpoq.

Inatsisartuni sulinissaminut piareersimalluarluni, Melene Vahl Rasmussen oqarpoq.

- Ukiukka eqqarsaatigivallaanngilakka, partiinnit aamma tapersersorluarneqarpunga. Nukarlersaanissara eqqarsaatigivallaanngilara, kisianni soorunami oqaluttarfimmit oqaloqqaarnissara pissangagilaarpara, tamannalu ataatsimiinnerup tulliani pissagunarpoq. Kisianni Inuusuttut Inatsisartuinut peqataaninni oqaluttarfimmiillunga misilereernikuuara, taanna oqaluttuarpoq.

Taassuma maanna Nuummi Niuernermik Ilinniarfimmi nunani tamalaani niuerneq aamma niuernermi tuniniaanermik ilinniarnermini soraarummeerutini allappaa, taanna maajip naanerani tunniutissavaa, juunip 13-anni allagartartaassalluni.

- Tamatuma saniatigut pitsaaliunermik suliniut Inuuneruna Iggoraarsuk suliaqarfigaara, taanna piffissamik atuinartorujussuuvoq. Qaammatini tulliuttuni suliassaqaqaanga. Kisianni Inatsisartunut ilaasortaanissannut piareersimalluinnarlunga misigisimavunga, Malene Vahl Rasmussen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER