peqquserluttuliorneq
Mailit salloqittaatit siammarterneqartut
PostNordimit mailit salloqittaatit kaaviiaartinneqartut Sulisitsisut mianersoqqussutigaat. Taakku viruseqarsinnaapput
Maannakkorpiaq mailinik nassiussuisoqarpoq, nassiussisoq PostNord AB/Post Danmarkiminngaanneersuunerarluni, tigusisorlu poortukkamik aasassaqarneranik eqqaasissuteqarfigineqartarluni.
Kisianni mailit taakku salloqittaatit tassani pineqarput, ingerlaannarlu peerneqartariaqarlutik. Aammalu linkit kakkiunneqarsimasut mailimiittut toorneqassanngitsut, Sulisitsisut mianersoqqussutigaat.
Qallunaatut allannerlutat
Maili qallunaatut allannerlutarujussuartut allagaavoq. Tigusisoq poortukkamik aasassaqartoq ilaatigut atuarneqarsinnaavoq, nassiussisorlu aamma erseqqissaavoq poortukkamik aallinngikkaanni akiligassitsittoqassasoq.
Maili salloqittaataasoq aammalu ingerlaannaq peerneqassasoq, Post Danmarki Sulisitsisunut ilisimatitsivoq.
Aningaasat
Sulifeqarfik IT-mik suliaqartoq JDC.dk ilisimatitsivoq, mailit taakku salloqittaatit aamma septembarimi nassiussorneqarsimasut. Suliffeqarfiullu taassuma mianersoqqussutigaa, linkit mailimiittut tooraanni ransomwaremik pilersitsisinnaasoq, serverinni aamma qarasaasianni taanna paasiuminaallisaasinnaavoq. Tamassuma kingorna inuit tunuliaqutaasut qarasaasiamik filinilluunniit ammaasinnaasumik matuersaammik tunniussinermut aningaasanik piumassapput.
Aamma atuaruk: Qarasaasianut virusi siammartertoq pillugu Tele-Post mianersoqqusivoq