Kalaallit Nunaat Tivolimi
Maik Tivolimi sikumik nutaamik saqqummiussivoq
Greenland Icemit sikut sorbet ilisimaneqartut saniatigut aamma »lyskrydset« pisiarineqarsinnaalerpoq
Nunatsinni sikunik tunisassiortup ilisimaneqarnersaasa Maik Carretero sikumik nutaamik saqqummiussivoq, ingerlatsiviup Kalaallit Nunaanni Tivolimi sikuerniarneranut atatillugu.
Siku kinguleqqiutissiaq nutaaq ateqarpoq lyskrydset.
– Taanna nutaamik tunisassiaavoq sikunik sorbetinik assigiinngitsunik pingasunik akuugaq, naqqani naatitanik siku qorsuk, qeqqani icebomb sungaartoq aappaluaartoq qaavanilu jordbærinik siku. Aqqusinikkut pisuinnaat ikaartarfiata qullia assigilluinnarlugu, Maik Carretero nassuiaavoq.
Sorbetimik sikuliat tamarmik nunatta sermersuanik aallaaveqarput, taamaattumillu nalissaqanngilluinnartuullutik.
Sikuliaq nutaaq Kalaallit Nunaat Tivolimi tuniniarneqarpoq sorbet sikut tallimat allat ilagalugit, jordbærinik, appelsiinanik, kigutaarnanik sikuliat aammalu ice bombit frugtbombillu, siusinnerusukkut tuniniarneqartarsimasut.
Aallartitsisoq oqaluttuarpoq assigiinngitsut ataasiakkaat amerlaqatigiipajaamik piumaneqartut.
– Soorunamili sila sikutoruminarfiusinnaagaluarpoq, Maik Carretero oqarpoq.
2008-mi
Greenland Ice Nuummi sikunik tunisassiulerpoq 2008-mi. Aatsaalli siullermeerluni ingerlatsivik Kalaallit Nunaat Tivolimi ilaavoq.
Greenland Icep tuniniaaviani aamma Kalaallit Nunaannut inuulluaqqusisoqarsinnaavoq, Sermitsiaq.AG-kut ilanngunneqartussanik.
Ilanngullugu Maik Carretero peqataasunik makitsisitsiniarpoq, makinneqartup pissarsiarissallugu sikungaatsiarsuaq sorbetis 4 x 5 portionit, ilaqutariinni tamanut naammattorsuaq.