Avannaata Kommunia
Maannakkut qanimut oqartussaaqataaneq atuutilissaaq
Palle Jerimiassen inoqarfnni nammineq ineriartornissamut sunniuteqarfiusinnaasussamik nutaamik aaqqissuusseqqinnissamik siunnersuuteqartoq
Kommuni avannaaniittoq nutaaq 2018- imi januaarip ulluisa aallaqqaataanni pilersinneqartussaq eqqoqqissaartumik taaguuserneqarsimavoq, tassalu Avannaata Kommunia, aamma illoqarfiit ilisarnaataat qaleraliupput qimmiullutillu.
Qalerallimmi ukiuni makkunani kommunimi aningaasaqarnikkut iluatsitsiffiupput. Saarulliit aamma takkusimaaleriartorput kiisalu siorniatigumut sanilliullugu aatsaat taama tunisaqartoqartigaaq.
Kommunimi borgmesterip siulliup Palle Jerimiassenip (S) maannakkut qaammatini arlalinngortuni kommune nutaaq piareersarlugu sulereersimalerpoq.
Qaasuitsup Kommuniata avinneqarne- ratigut aamma Avannaata Kommunianik aamma Kommune Qeqertalimmik pilersit- sinerit Qaanaamiit Ilulissanut aqqummik qaninnerulersitsinngillat.
Kisianni Palle Jerimiassenip sunniuteqarnikkut aalajangeeqataasarnikkullu imminnut isorartussutsit naannerulersinniarlugit sapinngisannguamik iliorpoq.
– Nunaqarfinni illoqarfinnilu qanimut oqartussaaqataaneq uterteqqinneqassaaq, borgmesteri erseqqissaavoq.
– Allannguivivut illoqarfinni naammagisimaarinninnerulernernik kinguneqassapput. Illoqarfimmiunut allamiunut ineriartortitsinermut peqataaqqusillunga maannakkut oqarsinnaavunga. Qanoq pisoqarneq ajorneranik naviiginnarnanga sooq namminneq iliuuseqarusunnginnersut taarsiullugu aperisinnaavakka, Palle Jerimiassen, oqarpoq.
Allaaserisaq tamakkerlugu Sermitsiaq aviisimi atuaruk. Aviisi uani pisiariuk: