akitsuutit taamaatinneqartut?
Maanna naapeqatigiinneq nanineqassaaq
Anda Uldumip (D) akitsuutinut siunnersuutini taamaatiinnassallugit saqqummiutereerlugulu, partiit tamarmik peqataaffigisassaannik ismaqatigiinniaqqinnissamut aggersaavoq
Ukiaanerani ataatsimiinnerup aallartilaarnerani Naalakkersuisut aningaasanut inatsisissap akuerineqarnissaanut assoralisimaartinneqarput.
Aningaasaqarnermut naalakkersuisoq, Anda Uldum (D), maanna 70 millionit koruuninik amigartooruteqarpoq, tamanna pingsunngornermi ualikkut akitsuutit nuannarineqanngitsut taamaatiinnarallarlugit tusagassiortut katersuutsinneqartut oqarfigereeraalu pivoq.
Atuaruk: Akerliliineq annertuallaartoq: Akitsuusersuinissat tunuarsimaartinneqarput
Isumaqatigiinniarnerit nutaat aallartipput
Maanna aningaasat suminngaanniit nanineqassanersut isumaqatigiinniarnissamut partiit tamaasa qaaqquniarlugit, Anda Uldum Sermitsiaq.AG-mut oqarpoq.
Akitsuusersuinissamut siunnersuutip ilarujussua naapeqatigiissutigineqarsinnaasoq.
Maanna akitsuusersuutaasinnaasut nutaat saqqummiunneqannginneranni Inatsisartuni partiit naapeqatiginiarsariniarlugit, Uldumi oqarpoq. Tamanna illuatungiliuttunik nuannaarutigineqarpoq.
- Qaaqqusissut suli tigunngilarput, kisianni nuannaarutigaara Naalakkersuisut maanna isumaqatigiinniarnissanut piareermata, Inuit Ataqatigiit siulittaasuat, Sara Olsvig oqarpoq.
Ikummatissap akikillinissaa neriuutaavoq
Anda Uldum naapertorlugu uuliamik akikillileeqqinnerit ikummatissap akitsuutaasa qaffannerinut 'milluarneqassasut'.
- Taamatut ilisimatuunit tamanit nalunaarfigineqarpugut, Uldum oqarpoq. Kisianni illuatungiliuttut, Partii Naleqqap, tamanna qularivallaanngilaat.
- Aningaasanut inatsit eqqoriaanertigut suliarineqarsinnaanngilaq, partiip siulittaasua, Hans Enoksen oqarpoq.
Neqinut akitsuutinut akerlerineqartut
Akitsuutit taamaativinneqassanersut nalunarpoq. Kisianni neqinik avataaneersunit akitsuusiinissaq suli periarfissaatinneqarpoq. Tamannalu Inatsisartuni amerlanerussuteqartut akerliunertik ersersereerpaat, pissakinnerusut eqqorneqarnissaat peqqutigalugu.
Naalakkersuisut akitsuusersuinissamut siunnersuutaat Inatsisartuni tallimanngorpat oqaluuserineqartussaagaluarpoq, taamaatinneqarporli.
Anda Uldumip akitsuutinut siunnersuutaanut tunngasuteqartut allaaserisat tamaasa uani atuakkit