Aningaasanut inatsit
Lynge: Aningaasanut inatsisissanik suliaqarnermi mianersortumik periuseqarnissaq eqqunneqarli
Aningaasanut inatsisip suliarineqarnera piviusorsiornerusumik suliarineqartariaqartoq Atassummit Steen Lynge oqariartuuteqarpoq
Aningaasanut inatsip suliarineqarnera mianersornerusumik suliarineqartariaqartoq naalakkersuisooqataasunit oqariartuutigineqarpoq.
- Atassut isumaqarpoq aningaasanut inatsisissani siunissami angusarissaarnerusoqassappat mianersornerusoqartariaqartoq, Atassummit Steen Lynge allagaqarpoq.
Naatsorsuutit
- Aningaasanut inatsisissami isertitassatut naatsorsuutigineqartut naapertuutinngillat, aamma tamanna siornatigut misilittagarineqareerpoq, KNR-imut oqarpoq.
Aalisarnikkut naatsorsuutigineqartunit pisarineqartut ikinneruneri pillugit Steen Lynge taamatut oqariartuuteqarpoq.
Tassami aningaasaqarneq siornanit ajorneruvoq, 50 million koruuninillu amigartoorfiusussanngorunarluni.
- Misileraalluni avaleraasartoorniarnermi misilittakkat takutippaat tamanna aningaasaqarniarnermut sunniuteqarluarsinnaasoq, tamannalu ilinniarfigisariaqarparput, Atassut sinnerlugu Inatsisartuni ilaasortaq ilaatigut allappoq.