Skip to main content

Lykketoft Hans-Pavia pillugu: Ikinngutigilluagara toqukkut qimaguppoq

Hans Enoksen aamma Mogens Lykketoft Hans-Pavia Rosingip toqukkut qimagunnerani misiginneqatiginnissutiminnik nassiussaqarput.

Hans-Pavia Rosingip toqukkut qimagunnerata kingorna misiginneqatiginnissutit takkussuupput.

Tamannalu Nunatsinnut aamma inuttut pingaaruteqarsimaneranut ersiutaasut ilagiinnarpaat.

Inatsisartummi siulittaasuata Hans Enoksenip Hans-Pavia Rosingip Folketingimi aamma Inatsisartuni qinikkatut suliarisimasai pillugit eqqaamannippoq. Aamma ICC-imi siulittaasuusimanera kiisalu World Council of Indigenous Peoplemik (nunat inoqqaavisa nunarsuarmi siunnersuisoqatigiiffiat) suleqataasimanera pillugu.

- 2007-imi sølvimik Nersornaaserneqarpoq. Inuiaqatigiinnut “tupinnaannartumik sulerusussuseqarluni piumassuseqarlunilu iliuuseqarsimanini” nunatsinni kulturikkut suliniuteqarnermigut aamma ersersinneqartoq ilisarnaatigigaa taamani Inatsisartunut
Siulittaasuusup Jonathan Motzfeldtip oqaatigaa. Danmarkimi erinarsoqatigiinnut MIK- ikkunnut ukiorpassuarni aaqqissuisutut pisortaavoq angalanerannilu nunatsinni kulturimik
ilisarititsisarluni. Erinarsoqatigiit N.I.P.E. pilersitseqataaffigai ukiorpassuarnilu siulittaasuuffigalugit. Kiisalu Danmarkimi kalaallit peqatigiiffianni ilaasortaavoq, tamatumanilu Danmarkimi kalaallit peqatigiiffiisa kattunnissaannut aallarnisaanermut
peqataalluni. Atuuffini assigiinngitsorpassuit aqqutigalugit kulturitta ilisimaneqalernissaanut sinniisuulluarpoq.
Inuk nunaminik nunaqqatiminillu ukiorpassuarni sullissilluni assut ataqqisaasoq akornatsinniikkunnaarpoq. Hans-Pavia Rosing 70-inik ukioqalerpoq. Nulia ilaqutaalu eqqarsaatitsinni najorpavut.
Eqqaaneqarnera ataqqinartuuli, Hans Enoksen ilaatigut taama allappoq.

Qallunaat nunanut allanut ministererisimasaat Mogens Lykketoft aamma allappoq Hans-Pavia Rosingip politikkimi naggueqatigiillu inuit pillugit suliaqarsimanera nersorlugu allaaserinninnerit tapersiinnarsinnaagini.

- Kisianni uannut ikinngutaalluartoq toqukkut qimaguppoq. Uagutsinnut ‘qatanngutitut’ taasarpugut, Atlantikormi avannarleq ikaarlugu anersaakkut qatanngutigiippugut. Folketingimi ukiuni 14-ni issiaqatigiipput. Hans-Pavia ikinngutikkuminartuuvoq nuannersoq, ilisimasaqarluartoq, Folketingip ataatsimiisitaliaanit nunanut ungasissunut angalaqatigalugu qiimasoq. Hans-Pavia Københavnimi inuusuttunik avatangiiseqarpoq, taakkua uagutsinni Østerbromi sapaatip akunnerisa naanerani katersuuttarput. Ukiorpassuit matuma siorna 50-liigama kusanartumik oqalugiarfigivaanga, uagullu marluinnaalluta, kingullersaallutalu, katerisimaarnermit ingerlavugut. Aamma kisimiilluni, Jonathan Motzfeldt Kristjanalu peqatigalugit, Qassiarsummi katereeratta Narsarsuarmi nereqatigivaatigut. Ikinngutigiinnerput pingaartissimaqaara Folketingillu Kalaallit Nunaat pillugu ataatsimiisitaliaata Nuummi qaammatip tulliani ataatsimiinnissaani naapinnissaanut qilanaarsimagaluarlunga. Maannali eqqaaniaannartarsinnaavara. Kalaaleq angisooq ikinngullu nuannaartoq, qujanartumillu inuttut ilisarisimallualersimasara. Eqqaaneqarnera ataqqinartuuli, Mogens Lykketoft allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER