Lund Olsen: Aningaasaqarnermut inatsip isumaqatiginninniutigineqarnera naammaginanngilluinnarpoq

Danmarkimi aningaasanut inatsip isumaqatiginninniutigineqarnera naammaginaanngilluinnartuusoq Inuit Ataqatigiit folketingimi ilaasortaatitaat Johan Lund Olsen isumaqarpoq.

Folketingimi aningaasanut inatsik isumaqatiginninniutigineqassaaq pingajussaaq pingasunngorpat. Aningaasaqarnermut ministerimik Bjarne Corydonimik, Socialdemokraatineersumik Inuit Ataqatigiit isumaqatiginninniuteqaqqissaaq.

Isumaqatiginninniarnerni Kalaallit Nunaat pillugu sulianik ilaatigut Bjarne Corydon septembarimi ataatsimeeqatigineqarpoq. Danskit aningaasaqarnermut inatsisaanni Johan Lund Olsenimit ilaatigut peqataatikkusunneqarput.

Nunatsinni qinersineq
Kalaallit Nunaanni Inatsisartunut qinersisoqarnerata pissutigisaanik ataatsimeeqatigiinnerit Bjarne Corydonimit unitsinneqarput. Lund Olsenip tamanna isornartorsiortareerpaa. Qinersisoqareerneratalu kingorna piffissaq kingullerpaaq atorlugu aningaasaqarnermut ministerip Johan Lund Olsen kiisalu Doris Jakobsen, Siumut, ataatsimeeqatigai.

- Kalaallit Nunaanni pitsanngorsaatissaasut ilaatigut eqqartorneqarput. Kalaallit Danmarkimi najugaqartut atugassarititaat ilaatigut ajorsiartorneri iluarsineqarnissaat anguniarpara, Johan Lund Olsen tusagassiutinut nalunaarummi oqarpoq, nangillunilu:

- Kalaallit atugassakinnerusut pitsaanerusumik iliuuseqarfigineqartariaqarput. Periarfissanik siunnersorneqarnikkullu pitsanngorsaasoqartariaqarpoq angerlarsimaffeerunnginneranni.

Atugarliortut suliassatut pingaarnertut
Danskit aningaasaqarnermut inatsisaanni kalaallit atugassakinnerusut pitsanngorsaaffigineqarnissaat anguniagassatut pingaarnertut Inuit Ataqatigiinnit isigineqarpoq. Corydonip ataatsimiinnerni isumaqatasaavoq. Iliuuseqartoqarnissaa Bjarne Corydonimit aamma pingaartinneqarpoq, Inuit Ataqatigiinnit isumaqatigineqartumik.

Pitsanngorsaanerit pissapput Inuit Ataqatigiinnik Siumumiillu ataatsimeeqateqareertoqareernerata kingorna.