Løkke: USA mittarfinnut annertuumik aningaasaliinissamut suli piariinngilaq
Nunatsinni mittarfissanut USA maannakkut aningaasarpassuarnik aningaasaliinissamut piareersimaneranik, statsminister Lars Løkke Rasmussen (V) taama naliliinngilaq.
Amerikamiut illersornissaqarfiata mittarfinnut sakkutuujunngitsunit sakkutuunillu atorneqarsinnaasumik aningaasaliisinnaanermut misissuiniarlutik pilersaaruteqarnertik septembarimi saqqummiuppaat. Lars Løkke Rasmussenip (V) isumasioqatigiinnermi oqariartuut tamanna pitsaasutut nalilerlugu uteqqippaa.
- Amerikamiut illersornissaqarfiat qanoq pilersaarnermik nalunaarummik nassiussisimasut, nuannaarutigisannik paasivara, amerikamiut aningaasaliinissamut arlaatigut piareersimanerannik oqariartuuteqartoq.
- Naalunaarutip matuma Amerikami illersornissamut ministeriaqarfiup Kalaallit Nunaanni aningaasaliinissamut soqutiginninnera uppernarsarpaa, tamatuma nunap immikkoortuani isumannaallisaaneq nukittorsarsinnaavaa, eqqortumik qisuariarnissaq nukittorsarlugu, aamma nunap immikkoortuani eqqissisimaneq attallugu, sakkutuunit sakkutuujunngitsunillu atorsinnaassalluni, nalunaarummi tamanna oqaatigineqarpoq, taanna amerikamiut illersornissamut ministeriannit John Roodimit atsiorneqarsimavoq.
Tamanna kingorna qanoq imaqarnersoq qulaajaniarneqarsarinikuuvoq – aamma aningaasaliissutaasinnaasut qanoq annertutiginerat.
Ilulissani milliardinik aningaasaliinissamut tunngassuteqarneranik paasissutinik saqqummertoqarnikuuvoq. Amerikamiut aningaasaataat Nuup kujataani 2.800 meterinik takissusilimmik mittarfiliortoqarnissaanut atorneqarnissaat, politikkikkut kissaatigineqarnikuuvoq.
Kisianni aningaasat atorneqalinnginnerini utaqqimaartoqarniarpasippoq.
- Tamanna matumani mittarfinnut oqaluuserisatsinnut annertuumik aningaasaliinissamut piareersimanermik nalilinngilara, Lars Løkke Rasmussen, Aleqa Hammondip (NQ) apeqqutaanut akissuteqarpoq.
- Kisianni qularnanngilaq ingerlaannartumik qulaajaasoqartariaqarpoq. Maanna sanaartornissmaut inatsit akuerissavarpoq, kisianni – Kalaallit Nunaata sanaartornissamut inatsit akuereqqaassavaa, aamma piginneqataassutsimut danskit aningaasaqarnermut ministeriaqarfiani isumaqatigiissusiortoqassaaq.
USA-p tungaanit piffissaanngitsumi nalunaaruteqartoqarnissaanik mianersortoqarnera qularnanngilaq. Siullermik mittarfiliortiternissat ullumi akuerineqaqqaassapput. Kalaallit Airports pillugu Danmarkip aamma Kalaallit Nunaata akornanni isumaqatigiissut inaarlugu inissinneqassaaq.
Kangerlussuup qanoq pineqarnissaa USA-mut qitiusumik inissisimavoq.
- Tassanngaanniit ingerlariaqqittoqarumaarpoq. Taava piffissap ingerlanerani Kangerlussuaq aamma Ilulissat pillugit apeqqutinik takkuttoqarumaarpoq, tassa atorneqarsinnaanerat pillugu, Lars Løkke Rasmussen oqarpoq.