Skip to main content

Løkke Savalimmiut OL-imi nunatut peqataasinnaaneranut tapersiivoq

Savalimmiormiut ukiuni 40-ni anguniarpaat nunatut nammineq OL-ertoqarnerani peqataasarnissartik.

Savalimmiut nunat nammineq OL-ertoqarnerani peqataasinnaasutut anguniagaqarnerminnut ministeriunermit, Lars Løkke Rasmussenimit (V) taperserneqarput.

Taama Savalimmiuni Timersoqatigiit Kattuffiat tusagassiuutinut nalunaaruteqarpoq.

- Danmarkimi ministeriunertut Savalimmiut Den Internationale Olympiske Komitemi (IOC) naalakkersuisut tamakkiisumik tapersiinerat nalunaarutigaara, Lars Løkke Rasmussen tusagassiuutinut nalunaarummi taama oqarpoq.

Savalimmiormiut ullumikkut OL-ertoqarnerani qallunaat erfalasuat atorlugu peqataasarput, kisianni tamanna savalimmiormiut allanngortikkusuppaat.

Savalimmiut de paralympiske legeni 1984-imiilli tamakkiisumik ilaasortaapput, Lars Løkke Rasmussenillu aamma tunngavilersuutitut ilaatippaa Savalimmiut qallunaat naalagaaffiata ataani namminersorlutik ingerlasuummata.

Namminersorneq taanna ilaatigut kulturikkut ingerlatsinermut tunngassuteqarpoq, ilaatigut timersorneq aamma ilaalluni, Løkke tusagassiuutinut nalunaarummi taama issuarneqarpoq.

- Taamaammat pissusissamisoortutut isigaara aamma kissaatigaara Savalimmiut Den Internationale Olympiske Komitemi ilaasortat allat Savalimmiutut inissisimasut assigalugit akuerineqassasut, oqarpoq.

Ministeriunerup tapersiinera Danmarkip, Norgep aamma Islandip ol-imut komite-vinit aamma taperserneqartoq, tusagassiuutinut nalunaarummi allaaserineqarpoq.

2006-imi danskit kulturimut ministererisaat, Brian Mikkelsen (K), IOC-ip taamani præsidentianik, Jacques Roggemik, ataatsimeeqateqarpoq Kalaallit Nunaata aamma Savalimmiut nammineq erfalasortik atorlugu OL-ertoqarnerani peqataasarnissaannut kissaateqarluni.

Brian Mikkelsenili Savalimmiunut aamma Kalaallit Nunaannut taaqquallannartumik nalunaarutissaqarluni ataatsimeereerluni ingerlasariaqarsimavoq. IOC-imi naapertorlugu nunat OL-imi peqataasut FN-imit nunatut namminersuvittutut akuerineqarsimasussaammata.

- Jacques Rogge isummani aalajangiussimalluinnarpai. Kalaallit Nunaata aamma Savalimmiut periarfissaat annikitsuararsuupput.

- Malittarisassani toqqaannartumik allassimavoq nunat FN-imit akuerineqarsimanissaat. Taamaammat iluatsikkuminaappoq. IOC-ip malittarisassai allanngortissinnaanngilakka, taamaallaat oqaluttuariinnarsinnaavara timersornermut suna iluaqutaasinnaasorineriga, taamani Brian Mikkelsen Ritzaumut taama oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER