namminiilivinneq
Løkke: Kalaallit Nunaat namminersortoq aningaasaqarnikkut namminiissaaq
Namminiilivittoqartillugu Danmarkip Nunatsinnut tapiissutai ingerlaannarsinnaanngillat, statsministeri oqarpoq.
Kalaallit Nunaata Naalagaaffeqatigiinnermut peqataaginnassanerluni imaluunniit namminiilivissanerluni namminerminut aamma danskit naalakkersuisuinut erseqqissartariaqarpaa.
Statsminister Lars Løkke Rasmussen (V) tallimanngornermi Folketingip ataatsimiittarfiani apeqquteqaat naapertorlugu oqallinnermi taama oqarpoq.
Tassani Dansk Folkepartip Kalaallit Nunaat pillugu oqaaseqartartuata, Søren Espersenip, kalaallit namminiilivinnissamut ingerlanerat aamma nunap aningaasaqarnera pillugu paasissutissiinissaanik qinnuigisimavaa.
Nuna namminiilivinnerani Danmarkip Kalaallit Nunaannut aningaasanik ikiorsiissutai ingerlaannarsinnaanngitsu, tamatuma saniatigut statsministerip erseqqissaatigaa.
- Naalagaaffiup tapiissutai imaluunniit suliassanik aaqqiissuteqarnera Kalaallit Nunaata namminiilivinnerata kingorna sivisuumik ingerlaannarsinnaannginnera takusinnaanngilara.
- Tamanna uanga killissaraara, tamannalu aamma naalakkersuinikkut siorna Folketingimi oqallittoqarnerani siammasissumik isumaqatigiissutineqarpoq, Lars Løkke Rasmussen tallimanngornermi oqallinnermi oqarpoq.