Folketingimut qinersineq

Løkke qinersinerup kingorna siammasissumik suleqatigiittoqarnissaanik neriorsuisoq

Qinersinerup kingorna naalakkersuisunngortut Venstremit siulersorneqartut Folketingimi siammasissumik suleqateqarniarput, Lars Løkke Rasmussen neriorsuivoq

Helle Thorning-Schmidtip ajorsarnini nassuerutigisariaqaraa Lars Løkke Rasmussen ministeriuninngortussanngorpoq

Danmarkimi ministeriuninngortussaq Lars Løkke Rasmussen upperissagaanni nammineq siuttuutilluni politikkimik immikkoortukkuutaartumik ingerlatsisoqassanngilaq.

Akerlianik naalakkersuisunngortussat Venstremit siulersorneqartut qiterliit akimorlugit siammasissumik suleqateqarniarsariniarput.

Suleqatigiinneq

- Sulineq akilersinnaanerusariaqarpoq, Tuusinterpassuit ilatsiinnarluni pilersorneqarnermiit suliffeqarnermut nuutsissavavut. Danmarkimi periuserineqartoq aalajangiusimassavarput, akissaatinik apparsaanermit aarlerinartorsiortitaajumanata. Tamanna Venstrep siuttuuffigerusuppaa. Kisianni tamatumani Christiansborgip killeqarfia qaangerlugu suleqatigiinnissaq aamma pisariaqarpoq. Taamaattumik naalakkersuisunngortitsisinnaassagutta pingasoqiusamik isumaqatigiinniarnernut aggersaaniarpugut, Lars Løkke Rasmussen oqarpoq.

Maniguuttoq

- Maanna takussavarput ministeriuninngussanersunga, Lars Løkke Rasmussen oqarpoq, tassuuguinnarlu aperineqarluni, sooq partiinut talerperlernut ministeriuninngussanerluni nalornissutigineraa.

- Unnuk manna qinersinerup inernera maniguullunga isiginiarsaraara.

Nersualaarineq

Tamatuma peqatigisaanik Helle Thorning-Schmidt qinersinermi ajorsartoq Socialdemokratillu siulittaasuattut tunuartoq nersualaarpaa.

- Ministeriuneq Helle Thorning-Schmidt qutsavigerusuppara. Akunnerup ataatsip missaata matuma sianerfigaanga oqarlunilu: Pilluarit, tassanngaanniit tigusussanngorpat. Taamaaliorusuppuna, tassanngaanniimmi tigunissaanut piffissaq ajortuunngimmat.

- Ministeriuneq ilumoornerassavarput, ukiuni kingullerni pingasuni affarmilu Danmarkimi politikkimi qiterliit akimorlugit suliaqartoqarluarsimammat. Tamanna taassuma uagullu ataqqinaatigaarput, Lars Løkke Rasmussen oqarpoq.

/ritzau/

Aamma atuaruk: Danmarkimi taasinerit tamarmik kisinneqareerput

Aamma atuaruk: Aaja: DF nukittuumik inissisimatillugu ajornakusoorsinnaavoq

Powered by Labrador CMS