Lars Mathæussen partiimut allamut nuuppoq

Inuulluarit qujanarlu.
Lars Mathæussen Partii Inuit-mi ilaasortaajunnaarpoq. Taarsiullugu Siumumut ilaasortanngorpoq. Taamaasilluni partiip naalakkersuisooqataasup Inatsisartuni ilaasortaatitami aappa annaavaa, taamaasillunilu Randi Broberg kisiartaalluni partii sinnerlugu Inatsisartunut ilaasortanngorpoq.
– Partii Inuit-mi ilaasortaanera manna tikillugu ajorsimanngilaq suleqatigiinnerlu aamma ajorsimanngilaq. Naalakkersuisooqatigiinni sulinermi tunngavik pissutigalugu Siumumut nuuppunga, pissutigalugu misigisimagama politikkikkut Siumumut qaninnerullunga, Lars Mathæussen Siumumut nuunnini pillugu nassuiaavoq.
– Inuttut nammineq aalajangerneruvoq tamanna naalakkersuisooqatigiit ataqqivaat, aalajangernikkullu suleqatigiilluarneq sunnerneqassanngilaq, Lars Mathæussen oqarpoq taannalu marsimi qinersinermi 143-nik taaneqarpoq.
Sermitsiaq.AG-p Lars Mathæussen itisiliitinniarsarissavaa