eqqaaniut

Lars Løkke: - Kalaallit Nunaat anguniagartuumik annaasaqarpoq

Otto Steenhodt angut akisussaaffimmik tigusiumatuutut, ministeriunerup Lars Løkke Rasmussenip eqqaamavaa

Otto Steenholdt eqqaaniarlugu ministeriuneq Lars Løkke Rasmussen (V) ima allappoq:

'Folketingimut ilaasortaasimasoq aamma Kalaallit Nunaanni partiimik Atassummik pilersitseqataasoq, Otto Steenholdt, toqukkut qimagussimasoq nalunaarfigineqarama aliasuppunga.

Otto Steenholdtip inuunera oqaatsimik ataatsimik eqqikkassagaanni imaappoq: Eqiasuinneq.

Taanna Kalaallit Nunaanni nunaqarfinnguami piniartup erneratut peroriartorpoq, Danmarkimut aallarluni ilinniartitsisunngoriartorpoq, Kalaallit Nunaannilu Landsrådinut qinigaavoq, naggataatigullu Folketingimi aalajangersimasumik issiaveqalerpoq. Tamanna inummik sulerusussuseqartumik takutitsineruvoq.

Otto Steenholdtilu taamatut uanga eqqaamassavara. Akisussaaffimmik tiguserusuttuuvoq, Kalaallit Nunaannilu ineriartornermut allannguerusuttuulluni. Nunamini pisut ilaatigut ajornakusoortut tassunga initusarput, namminerlu isummani atortaraa ersarippoq.

Taamaammat 1976-imi partii killilersuinnginnerusoq Atassut pilersitseqataaffigaa. Ukiuni 21-ni Folketingimi ilaasortaanermini, kalaallini ilaasortaasuni sivisunerpaamik ilaasortaasimavoq.

Politikkikkullu ukiorpassuarni sulinermini Dronningip nersornaasiuttagaanik 1. gradimik aamma Nersornaammik kuultimik saqqarmiulerneqarnikuuvoq.

Kalaallit Nunaat anguniagartuumik annaasaqarpoq, taassumalu uummataa nunamut issittumi avannaaniittumut kassussimavoq.

Ullumikkut eqqarsaatikka Otto Steenholdtip ilaqutaaniipput'

Powered by Labrador CMS