Atorfikkaaq

Lars Lennert-Sandgreen pillugu nipangiussineq

Qaasuitsup Kommuniani kommunalbestyrelsip oqaatigiumanngilaa, kommunaldirektøriusimasoq Lars Lennert-Sandgreen soraarsitaanersoq

Lars-Lennert Sandgreen sooq Qaasuitsup Kommuniani kommunaldirektøritut tunuarnersoq paasissutissiissutigiumaneqanngilaq. Qaammatini 11-iinnarni atorfeqarpoq.

Lars Lennert-Sandgreen, Qaasuitsup Kommuniani kommunaldirektøriusimasoq, pillugu suliaq qanoq ingerlasimanersoq paasissutsissiissutigiumaneqanngilaq.

Kommunalbestyrelsi arfininngorneq ullaap tungaa immikkut ittumik ataasimiippoq. Kisianni ilaasortat arlaqartut oqaatigiumanngilaat, sooq Lars Lennert-Sandgreen, Qaasuitsup Kommuniani atorfiit qaffasinnerpaartaanniit sooq suliunnaarnersoq.

Suliaq naliginnaanngitsoq

Steen Kund, politikkikkut oqaaseqartartoq oqarpoq, Lars Lennert-Sandgreen pillugu suliaq naliginnaasuunngitsoq.

  • Qaffasissumik atorfinitsitsinermi naliginnaasuuvoq, atorfinitsinneqartup suna pillugu suliunnaarnera avammut nalunaarutigineqassanngitsoq. Taamaattumik oqaatiguminaappoq pineqartoq soraarsitaasimanersoq, imaluunniit allamik isumqatigiittoqarsimanersoq, Steen Lund oqarpoq.

Taassumali naatsorsuutigaa Lars Lennert-Sandgreenip aamma Qaasuitsup Kommuniata akornanni isumaqatigiinngissuteqartoqarsimassasoq.

Siorna septemberimi Lars Lennert-Sandgreenip atorfitsinneqarneranut atatillugu, borgmester Ole Dorph oqarpoq, kommunalbestyrelsi atorfinitsinneqartumut annertuumik isumalluartoq, pineqartup suliaminut ilisimasaqarluarnera pissutaalluni.

Lars Lennert-Sandgreen april 2012-mi Qaasuitsup Kommuniani inuussutissarsiornermut pisortatut atorfinitsinneqarpoq, September 2013-imilu kommunaldirektøritut atorfinitsinneqarluni. Siornatigut Royal Greenlandimi aamma KNR-imi pisortatut atorfeqarnikuuvoq

Hans Eriksen, Meeqqat, Kulturi Ilinniartitaanerlu pillugit pisortaasoq, kommunaldirektøriungallartussatut atorfinitsinneqarpoq.

Powered by Labrador CMS