Tuesday, December 5, 2017 - 11:05

Lars-Emilip puaanit imeq 2,4 liiteri peerneqartoq

Assi.: Leiff Josefsen
Lars-Emil Johansen, Inatsisartut siulittaasuat, Rigshospitalimi uummatikkut suliaritinnermi kingorna kingunipiluit aqqusaarpai.

AG naapertorlugu 71-inik ukiulik politikeri Siumumeersoq Facebookimi quppernermini taama allappoq.

Iisartakkat imaarsaatit
- Uummatikkut suliaritinnera annertugami, tamanna arriitsumik, qularutissaanngitsumilli qaangeriartorpara. Sakkortuumik suliaritinnerup kingunerisartagai arlallit ajoraluartumik aamma misigigakkit. Kingullermik puama illuatungaatigut immattoorama Sanami ullormi ataatsimi uninngatikkaminnga imeq puanniittoq 2,4 liiteri (!) peerpaat, tamatumalu kingorna ippassaq ualikkut angerlartinneqarlunga. Neriuppunga taamaalillunga puakkut immattoortarnermik ajornartorsiuteqarnera anigorsinnaassallugu, naak suli imeq sinneqartoq qinnguartaanikkut takuneqarsinnaagaluartoq. Iisartakkat imaarsaatit pisumut atatillugu uannut tunniunneqartut puakka imaarutsivissinnaassagaat, Lars-Emil Johansen allappoq nangillunilu:

- Taamaalilluni, inuunermi matumani neriuuteqarnerup nuannaarnerullu qanoq pingaaruteqartiginerat aammaarluni erseqqissarneqaqqippoq.

Lars-Emil Johansen, novembarip aallaqqaataanni suliaritittoq februaarillu aallaqqaataata tungaanut Inatsisartuni siulittaasuunerminit IA-meersumit Mimi Karlsenimit paarlanneqarallarluni.  

Inuit pillugit nutaarsiassat amerlanerusut
Aviisi AG saqqummerpoq, inuillu pillugit arlalinnik nutaarsiassaateqarpoq. Ilaatigut Namminersorlutik Oqartussani attaveqatigiinnermut pisortaq qungujulasup Paornánguaq Kleistip apersorneqarnera atuaruk. Uani ataani linki tooriarlugu akiliillutit aviisi atuarsinnaavat:

Læs også

saammaateqatigiinnissamik isumalioqatigiissitaq
Seneste nyheder / Nutaarsiassat kingulliit