binzerip soraarnera

Lars-Emil: Tele-Postimi siulersuisut soraarsinneqarlik

Siumumit Lars-Emil Johansen Naalakkersuisunut siunnersuuteqarpoq

Lars-Emil Johansenip Facebookimi quppernermini sismanngornerup unnukkuani allatai
Allatai kalaallisut
Lars-Emil Johansenip Facebookimi quppernermini sismanngornerup unnukkuani allatai Allatai kalaallisut Leiff JosefsenLars-Emil Johansenip Facebookimi quppernermini sismanngornerup unnukkuani allatai Allatai kalaallisut Leiff JosefsenLars-Emil Johansenip Facebookimi quppernermini sismanngornerup unnukkuani allatai

(Allaaserineqartoq Lars-Emil Johansenimik apersuinertalimmik nutarterneqarpoq nalunaaqutaq 09.06)

Inatsisartuni siulittaasoq Siumumilu ukiorpassuarni sunniuteqarluartoq, Lars-Emil Johansen, Michael Binzerip Tele-Postimi pisortaanertut soraarniuteqarnera pakatsissutigalugulu tupaallaatigaa.

Michael Binzeri tapersersorpaa. Michael Binzer tusagassiutinut nalunaarummini ilaatigut oqarpoq siulersuisunit tatigineqarunnaarnini misigigamiuk pisortaanertut soraarniuteqarluni.

Lars-Emil Johansen Naalakkersuisunut Facebookimi quppernermini siunnersuuteqarpoq. Tele-Postimi siulersuisut tamarmik soraarnissaat siunnersuutigaa:

'Suliffeqarfimmi pisortaanerup pikkorissup sullerissullu sulilluarsinnaassaguni pisariaqartippaa siulersuisoqassalluni suliassaminut piginnaasaqarluartumik. Nunarput akissaqanngilaq pisortanik pikkorissunik, ilami allaat pikkorissorujussuarnik, annaasaqartassalluni, siulersuisut malinnaasinnaannginnerat pissutigiinnarlugu.

Tamaannga killittoqartillugu suliffeqarfimmik piginnittoq kinaluunniit imminut tatigisoq pisussaavoq erseqqilluinnartumik toqqassallugu sorleq perusunnerunerlugu: pisortaq pikkorissoq imaluunniit siulersuisut naammaannartut. Uanga taama isumaqarpunga.'

Lars-Emil Johansenip Facebookimi allatani Sermitsiaq.AGmut itisilerpai:

- Tele-Postimi siulersuisut kikkuunersut naluakka, aamma pisoq pillugu ilisimasaqanngilanga. Michael Binzer inuttut nalunngilara. Suliffeqarfimmi inuiaqatigiinnit pigineqartumi siulersuisut aaqqiagiinngissummut nassuiaataannik imaaliallaannaq ilumoortutut isiginnittarneq mianersoqqussutigaara. Susoqarsimaneranik innuttaasut paasitinneqarnissaannik pisinnaatitaaffeqarpugut.

Naalakkersuisut siulersuisut tapersersorpaat
Lars-Emil Johansenili Naalakkersuisunit taperserneqassalluni naatsorsuutigissanngilaa. Michael Binzerip soraarniuteqarnera tusarliunneqareersorlu Naalakkersuisut siulittaasuat Aleqa Hammond Siumumeersoq tusagassiutinut nalunaarummi ima allappoq:

- Selskabimi ineriartupiloorfiusumi, innuttaasut ulluinnarni inuunerannut sunniuteqartorujussuarmik suliaqarfiusumi, nutaamik piginnaasalimmik pisortassarsiornissamik siulersuisut annertuumik maanna suliassaqarput. Suliassap tamanna siulersuisunit naammassineqarsinnaanera Naalakkersuisut qularutiginngilaat, neriuutigaallu Tele Greenland siunissami unamminartunik aqqusaagaqarnissaanut aalajaatsumik suliarinnissinnaasumik pisortassarsiumaartut.

Sermitsiaq.AGp Michael Binzer attaveqarfigigaluarpaa, inuttaatali itisilerusunngilaa sooq soraarniuteqarnerluni. Tele-Postimi pisortaanertut apriilip aallaqqaataani 2013-mi atorfeqalerpoq.

Tele-Postip siulittaasuata Agner N. Markip Sermitsiaq.AGmi apersorneqarnermini Binzerip soraarniuteqarnera paasisinnaanngilaa, ilanngullugulu oqaatigalugu Naalakkersuisunit tatisimaneqarnatik.

Lars-Emil Johansenip Facebookimi allatai ataani atuarneqarsinnaapput

Powered by Labrador CMS