Aleqap atornerluinera
Lars-Emil: Paatsiveerusimaartoqarpoq
Susoqassava? Inatsisartuni maannakkut immikkut ittumik pisoqarpoq
Inatsisartut allaffeqarfiini inuppassuaqarpoq, tamarmillu suliaqarput akunnerni makkunani.
Sumi tamaani politikkerit ulapputtut takussaapput, ilaatigut aamma tusagassiortunit apersorneqartarlutik.
Sumi tamaani ulappupput.
- Inatsisartut allaffeqarfiini maannakkut paatsiveerusimaartoqarpoq, tamanna isertuunneqarsinnaanngilaq, Lars-Emil Johansen Sermitsiaq.AG-mit amersorneqartilluni oqarpoq.
- Inatsisartunut qinersisoqarnissaa suaarutigineqarpat taava qaqagu qinersisoqassava?
- Qinersinissamik suaaruteqartoqareernerani sapaatit akunneri arfinillit qaangiukkaangata qinersisoqartarpoq. Inatsisit taamaapput. Marlunngorpat suaaruteqartoqassappat taava sapaatit akunneri arfinillit qaangiunneranni qinersisoqassaaq, Inatsisartut siulittaasuat oqarpoq.
- Qinersisoqassappat qineqqusaaqqissavit?
- Tamanna oqaaseqarfigisinnaanngilara. Maannakkut assigiinngitsunik pisoqarpoq.
- Siumut nutaamik siulittaasortaassava?
- Inatsisartut siulittaasuattut maannakkut oqaluppunga. Tamanna aamma attatiinnassavara. Paasitinneqaqqammerpunga Inatsisartuni siulittaasuuginnassasunga (marlunngornermi Inatsisartut siulittaasuanut qinersisoaqarpoq). Taanna attatiinnarlugu sulissaanga, Lars-Emil Johansen oqarpoq.