Inatsisartut
Lars-Emil napparsimalluni sulinngiffeqareerluni suleqqilerpoq
Inatsisartut siulittaasuat napparsimalluni sulinngiffeqareerluni sulileqqinnissamut piareerpoq
- Maanna peqqissillunga suliffinnut uteqqissinnaalernera uannut assut nuannerpoq, misigisimavungami siornatigornit peqqinnerullunga qasujaannerullungalu suleqqilersinnaallunga.
Inatsisartut siulittaasuat, Lars-Emil Johansen (S) oktobarip qaammataani uummammigut suliaritinnermi kingorna, tusagassiuutinut nalunaarummi oqarpoq.
Atuaruk: Lars-Emil Rigshospitalimut unitsinneqarpoq
Ataasinngorpamiit sulileqqinniartoq
- Taamaakkaluartoq inuuneq peqqinnerlu erlinnaqimmata suliffinnut pulaqqikkiartuaarnissara sallaatsumik ingerlatissavara, aallaqqaammut sivikitsuinnarmik suliffiinniittarlunga, politikeri 71-nik ukiulik oqarpoq.
- Piffissaq manna iluatsillugu Inatsisartut siulittaasuata tullia siulleq, Mimi Karlsen, qutsavigaara sulinngiffeqarninni akisussaaffik paarilluarsimammagu, siulittaasoqarfimmilu ilaasortat allat qutsavigalugittaaq Inatsisartut siorna ukiakkut ataatsimiileruttornerata nalaani sulinngiffeqartariaqalerninni Inatsisartut sulinerannik siulersuilluarsimammat, Lars-Emil Johansen oqarpoq.
Atuaruk: Lars-Emil Johansen uummammigut pilattartissaaq