atuakkamik saqqummersitsineq
Lars-Emil Johansen: Nujuartinneqarsinnaanngitsoq – atuaganngortoq
Tallimanngornermi tusagassiuuteqarfik Sermitsiaq.AG inuup inuuneranik allaatiginninneq saqqummiunneqarmat ilassinnititsivoq. Nujuartinneqarsinnaanngitsoq Lars-Emil Johansen qulequtaralugu: Kalaallit politikikkut immikkuullarissortaat.
Kusanaatsuliornerit, erngunnerit, imerunnaarniarluni sorsuuteqarsimanera aammalu ministeriunnermut nikerartumik attaveqarneranik, politikkikkulli akerlerinnittai suleqatigisimasaalu atuakkami allaaserineqarsimapput. Illarumatuujunera qiimasuuneralu aamma allaatigineqarsimavoq, siullermeerlunilu ammasumik Nunatsinni Nammersornerulluni Oqatussaanerup eqqunneqarnera, Danmarkimit avissaarnermi politikkikkut matoqqasumik pisimasut nammineerluni oqaluttuarisimasai.
Atuakkiortoq pisinnaanngitsoq
Tusagassiortoq Niels Ole Qvist atuakkap ilisaritinnerani peqataasinnaasimanngilaq Danmarkimi apersortittoornini pissutigalugu, taamaattoq aaqqissuisuuneq, atuakkamilu aaqqissueqataasoq, Christian Schultz-Lorentzen, oqalugiaateqarpoq oqarlunilu:
Illit – ingammik Kalaallit Nunaat – atuagaq una pisassaraat.
Aaqqissuisuunerli itisiliivoq:
- Lars-Emili politikeriuvoq politikikkut oqartussaaffiit amerlanerpaartaanik tigummiaqarsimasoq. Kalaallit Nunaat nutaaliasoq ilusilersueqataaffiginikuuvaa. Aalajangiinissat pingaarutillit pisariaqaleraangata siuttuujuarsimasoq. Pingajoqqanilu Moses Olseni Jonathan Motzfeldtilu suleqatigisimallugit. Minnerunngitsumilli namminiilivinnissap suliarineqarnerani suli peqataalluni aammalu Inatsisartuni siulittaasuulluni.
Meeqqat, ernuttat, ernutaqqiutilli
Ilassinninnermi Lars-Emil Johansenip meeqqani, ernuttani, ernutaqqiutinilu qaaqqusimavai. Aapparisanili Matha Lund Olsen ullormi inuuissiortoq immikkut qujassuteqarfigalugu.
- Utoqqatserpunga inuuissiornerni ulloq uannut sammitinneqalermat, Lars-Emil Johansen oqalugiarnermini aapparminut oqarpoq, taannali qungujulluni akipallappoq:
- Sungiusimavara.
Aaqqissuisoqarfimmi, AG-p suliarineqartarfiani oqaaseqarneq illassutigineqarpoq.
Atuakkami pingaarnertut inuttaasup atuakkiortup Niels Ole Qvistip suleqatigisimaneranik nersualaarinninnerinnarmik oqaaseqarfigaa.
- Atuakkiortup oqaloqatigiittarnitsinni akunnerpassuarnilu oqaloqatigiittarnitsinni immiussissummik atugaqarsimanngilaq, atuakkiortoq pikkorinaaqaara, Lars-Emil Johansen oqaluttuarpoq.
- Politikerit tugassiortulli assigiipput. Allaaqqutaalli tassaavoq politikerit isumassarsiortuungamik, tusagassiortulli isumassarsianut isornartorsiuisuullutik. Ajornarnerpaavorli isumassarsiorsinnaaneq, aaqqissuisoqarfimmi sulisorpassuit qiviarlugit, Lars-Emil Johansen oqarpoq.
Piorsarsimassutimik nammattoq
Atuakkap piviusunngortinneqarsinnaanera tusagassiuuteqarfik piorsarsimassutsikkut nammaqataaneranik patsiseqartoq atuakkamut isumassarsisuusoq, pisortaaneq, Christian Schultz-Lorentzen, oqarpoq. Oqalugiarnermilu oqarluni:
- Kalaallit Nunaanni AG 1861-miilli – ukiut 150-it sinnerlugit – nutaarsiassanik siammarterisuusimavoq. Nunarsuarmi aviisini pisoqaanerpaanut ilaavoq, ullutsinnilu Kalaallit Nunaannut ilisarnaataasumik tusagassiornikkut oqallititsinikkulli suleqataajuarsimalluni. Kalaallit Nunaata ingerlanera minnerinnerunngitsumillu ukiuni makkunani pisut eqqaamaneqarnissaat pingaaruteqarluinnarpoq. Atuakkalli nutaaliaasut tusagassiornermik imaqarneri pingaaruteqarput.
Naqiterisitsisarfik
Atuagaq Kalaallit Nunaanni naqiterititsivinnik suliarineqarsinnaannginnera pissutigalugu Politikens Forlagi aqqutigalugu saqqummersinneqarpoq. Najukkamilu assigiinngitsunit aningaasaliisoqarneratigut tamanna piviusunngortinneqarsimalluni. Atuagaq siullermik qallunaatuinnaq pisiarineqarsinnaassaaq, piffissamilu qanittumi kalaallisut nutserneqarnera saqqummiunneqassalluni.
Atuakkiortoq Niels Ole Qvist apeqqarissaarfigineqarnera aqagu Sermitsiaq.AG-mi atuarsinnaavat.