savalimmiunit aalisarnermik aaqqissuusseqqinneq
Lagtingimi aaqqissuusseqqinneq
Qinersinissaq tallimanngormat naalakkersuisut pinngitsoortippaat. Aalisarnermut inatsisissatut siunnersuut aappassaaneerneqarnerani Lagtingimi amerlanerussuteqartut siunnersuummut tapersiipput. Naalakkersuisoqatigiit illuatungiliuttuni ilaasortamik taperserneqarput. Amerlanerussuteqartulli ataannassanersut naggatissaa tikillugu pissangassutigineqarsimalluni.
Aalisarnerup aaqqissuuteqqinnissaanut siunnersuutip aappassaaneerneqarnerani akunnerit qulit sinnerlugit oqallisigineqareernerani tallimanngormat ulloq 8. december lagtingimi ilaasortat 16-it tapersiillutik taasipput 15-illu akerliullutik taasillutik.
Taamaasilluni, aalisarnermut aaqqissuusseqqinneq, piffissami sivisuumi suliarineqareerluni ulloq 1. januarimiit atuutilernissaa Naalakkersuisut iluatsittutut ippaat. Taamaattoqassappalli partiit naalakkersuisoqatigiit pingasut pingajussaaneerinninnermi isumaqatigiittariaqarput.
- Naalakkersuisoqatigiit pingajussaaneerinninnermi isumaqatigiikkumaartut naatsorsuutigaara, taamaattoq taasisoqartinnagu inernileereertoqarsinnaanngilaq, Aksel V. Johannesen (Javnaðarflokkurin) nordlysid.fo-mut oqarpoq.
Sambandspartiimit taperserneqarneq
Siunnersuut allaannguutissatulli siunnersuummut allannguutit aappassaaneerinninnermi akuersissutigineqarnissaanut Savalimmiuni ikinnerussuteqarlutik naalakkersuisuusut illuatungiliuttunit Sambapartiimit taperserneqartariaqarsimapput.
Savalimmiuni ikinnerussuteqarlutik naalakkersuisut lagtimi 33-iusuni 16-it taamaallaat ilaasortaatitaraat. Naalakkersuinermilli amerlanerussuteqarneq attaviitsumit Sonja Jógvansdóttirip tapersersuineratigut, qulakkeerneqarpoq.
Kristin Michelsenilu Javnaðarflokkurin-imi ilaasortaq tallimanngormat ullaatungaani Edinburgh-imut aallassalluni aalajangerneratigut Naalakkersuisoqatigiit taasinermik ataatsimik amigaateqalernissaq ernumassutigineqaleraluarsimavoq. Taassuma naalakkersuisoqatigisami siunnersuutaat isornarnartorsiorsimavaa.
Kristin Michelsenillu lagtingimi ataatsimeeqataatinnagu Magni Laksáfoss-ip (Sambaparti) taaseqataasinnaannginnera Javnaðarflokkurinip qulakkeersimavaa.
Sambandspartiimi siulittaasup partiimi ilaasortaq pakatseqqassutigingaa
Tamanna Sambandspartiimi siulittaasuata Bárður Nielsenip kamassutigeqaa.
- Sambandspartiip siunnersuut akuersissutigimmagu, kamannarpoq. Naalakkersuisoqatigiit Sambandspartiimit ikiorneqarnissaat tunngavissaqanngilaq, unnugu arlaannik pisoqarnissaa eqqumiitsumik malugisinnaavara, Bárður Nielsen vp.fo-mut oqarpoq.
- Suliami uani Sambandspartiimiik naalakkersuisoqatigiinnut ataqqinnittoqarnerunera tupigivara, nangippoq.
Taasinissamut akunnerit marluk amigaataalernerini taassuma savalimmiunit radio-mut oqaatigaa siulittaasuunermi nalaani isumaqatigiissusiortoqarsimanngitsoq. Suliat taamak pingaaruteqartigitillugit periuseq tamanna naliginnaasuumik atorneqartaraluarpoq.
Allannguutit arlallit
Siunnersuutip ukiuni marlunni suliarineqarnerani Naalakkersuisut arlalinnik allannguisimapput. silde- og makrelkvoterinik kaattaassinissat siullermeeerneqarneranut sanilliullugu 25 procentiniit 15 procentinut ikileriartinneqarsimapput.
Antitrustgrænsen 20 procentiniit 17,5 procentimut nikisinneqarsimapput.
Pisassiissutit aamma allanngortinneqarsimapput: Pisassiissutit taakku aalisarnermut naalakkersuisumiit isorliunerusunut tunniussinnaassavai. Katillugit 8 procent.
Framsókn naalakkersuisoqatigiinni marlunnik ilaasortaatitaqartup, pisassiissutit siullermeerinninnermiit aappassaaneerinninnermi amerlineqarsimanerat tupigusuutigaat. Taamaattoq partiimi ilaasortaatitat marluk qinerseqataapput.
Isornartorsiuisut 12. december qanoq taasissappat
Pingajussaaneerinninneq sisamanngornermi ulloq 12. december pinissaa ilimanarpoq.
Taamanikkut Kristin Michelsen peqataassaaq. Siunnersuut maannatut isikkoqartillugu isumaqataaffiginerlugu akerliuffiginerluguluunniiit tamanut ammasumik oqaaseqarsimanngilaq. Kristin Michelsen isumaqatigiinniarnerup piffissap sivisuup ingerlanneqarneranut aalajangiisunut ilaavoq.