Skip to main content

Kuupiup qinersinermi naliliinera: IA anginerpaanngussaaq aamma Siumut inissisimaffimminiiginnassaaq - immaqa!

Sara imaluunniit Kim? Naalakkersuisunut siulittaasunngorniunnrmi kingullermik siulittaasunngorniuttunik inuttalerlugu uteqqinniarpasipparput.

Qinersisartut isumaannik misissuineq siulleq Sermitsiamtt aamma KNR-imit suliarineqartoq qinersinerup aallartilaarnerani pivoq. Partiit nutaat qineqqusaarutaat qinigassanngortitaallu ingammik ilisimanngilagut. ‘’Taasisussat nalornisut’’ qinersinerup inerneranik ullumikkut aalajangiisussatut inissisimapput, tassanilu arlaat ajugaasinnaavoq. Qinersisartut isumasiorneqartarnerini misilittakkatta takutippaa, qanoq taasinissatsinnut tikkuussisoqartartoq, kisianni aamma ullormi qinersiffiusumi aalajangiisoqartartoq.

Taamatut misissuineq tunngavigalugu nassuiassagaanni, Siumut naak ilaasortaminik annaasaqaraluarluni inissisimaffini tigummiinnarmagu maluginiagassaanerpaavoq. Oqartoqarsinnaavoq ilaasortaajunnaartut taakku qinersinermi kingullermi taaguunneqarnerpaanngitsoq, kisianni taamaakkaluartoq partiip iluani pikisitsisoqartarnikuuvoq, qinersisartutoqqallu tamanna nikissutigigunanngilaat.

LÆS OGSÅ: Isumasiuineq: Vittus qinigaatitaqassaaq

Inuit Ataqatigiinni aammataamaappoq, taakku siornatigut ajugaarujussuartussatut suaarutigineqartareerput, kisianni qineqqusaarnerup ingerlanerani siuaqqanertik arlaleriarlutik annaasareerpaat. Kisianni partiip qinersisartutoqaasa aamma parteertik taaguuttuarpaat.

Una isumasiuineq siulleq apriilip 24-anni qinersinermi inernerineqassappat, Atassutip ilaasortaaffik ataaseq Partii Nunatta Qintornaanut tunniussinera allannguutituaassaaq. Partiit akornanni pissaanerup agguataarneqarnera allannguuteqarani.

Qinigassanngortittut pingaarnerit aamma nuimasut

Partiinit qinigassanngortittut allattorsimaffiinik tamakkiisunik suli takusaqanngilagut, kisianni pingaarnertut qinigassanngortitat ataasiakkaat saqqummiunneqareerput, aamma assersuutigalugu KNR-tv-mi nuimasut soorlu qinigassanngortittut. Nuimasut partiimi siulittaasutik atorfimmut qaffasinnerpaamut inissitsillugit ikiorsinnaassaneraat pissanganassaaq. Partiit pingaarnertut qinigassanngortitaat suleqatiminnut sanilliullugit taaguunneqarnerukkajuttarput.

Partiit qinigassanngortittut tamaasa saqqummiutereerpatigit aamma qineqqusaarutaat paasigutsigit allanngortoqarsinnaavoq. Ukiuni kingullerni partiit illuatungeriit avissaartuunnerat qinersisartut aamma malissaneraat paasinarsiumaarpoq. 

Namminiilivinneq imaluunniit ulluinnaat

Naak partiit namminiilivikkusunnerpaat ullumikkut qinersisartut isumasiorneqarnerisa inerneranni inussap ataatsip inuaanik amerlanerunngitsunik qinigaatitaqarniarpasikkaluarai suli sunniuteqarsinnaapput, ingammik IA aamma Siumut qinersinerup kingorna suleqatigiilinngippata. Partiit taakku angisuut marluk ilorrisimaarnartumik amerlanerussuteqarsinnaapput, kisianni amerlanerussuteqarnissamut periarfissat amerlapput. Politikkikkut Siumut imaluunniit IA imminnut avaqqullutik qanoq amerlanerussuteqalerniarsarisinnaanersut politikkikkut takunissaa pissanganarpoq.

Allatut oqaatigalugu qinersisartut namminiilivinnissaq ulluinnarni inissisimanerminnit ajornartorsiutinillu ilungersuussatsinnit pingaartinneruneraat aalajangiisuussagunarpoq. Ineqarnermut ajornartorsiutit aaqqinniarsarinissaannit, akissarsiat assigiinnginnerisa iliuuseqarfiginissannit, amerlanerusut ilinniagaqalernissaannik allanillu aaqqiissuteqarniarsarinissamit, Danskit naalagaaffiannit malitsigisaanillu avissaarneq pingaarnerusoq, Nunatsinni qinersisartut ullumikkut isumaqarpat?

Qinersisartut isumasiorneqaqqissappata tamanna paasisaqarfiginerunissaa neriuutigaarput. Imaluunniit qinersinerup naammassinissaa aamma taasinerit kisinneqareernissaat utaqqiinnarsinnaavarput. 

Allakkatigut qinersisoqarsinnaalereerpoq – pisinnaasut tamarmik oqartussaaqataanertik apriilip 24-anni imaluunniit siusinnerusukkut atussagaat maanngaanniit kaammattuutigiinnarusuppara.

Kuupik Kleist, ukiuni tallimani politikkikkut qaffasissumik suliaqarsimanngitsoq, politikkikkut suliaqarnermini piffissami malunnaarteqarnerpaat ilagaat. Naalakkersuinikkut suliaqarnermini IA-mi siulittaasunngornini, Naalakkersuisuni siulittaasunngornini aamma Folketingimut ilaasortanngornini iluatsissimavai. Atorfiit kingulliit marluk taakkartorneqartut IA-mi siullerpaalluni anguai. Ukiuni kingullerni politikki pillugu tusagassiuutini naliliillattaartarpoq.

Læs hele sagen:

  1. Mens vi venter på stormen
  2. Anorersuarmik utaqqinitsinni
  3. IA bliver størst og Siumut holder skansen – måske!
  4. Apeqqutit pisariaqartut - akissutissallu!
  5. De nødvendige spørgsmål – og svar!
  6. Hvem kan vi stemme på?
  7. Kikkut qinersinnaavagut?
  8. Et grumset resultat
  9. Angusaq ersarluttoq
  10. Inuit Ataqatigiit akiligassaq akilerpaat
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER