siulittaasunngortoq
Kuupik Kleist: Politikkikkut erseqqissaatitsineq pingaarnertut suliassaraara
Poortuutit pillugit inatsisit sukkanerpaamik erseqqissaavigitinnissaat Nuuk Imermi siulittaasunngortup, Kuupik Kleistip, siulittaasunngorlaatut suliassami pingaarnersarigaat oqaluttuarpoq.
Naalakkersuisut siulittaasorisimasaat Kuupik Kleist Nuuk Imermi siulersuisunut siulittaasunngorpoq. Piffissami sivisuumi poortuutissat pillugit inatsisip ammanerulertinnissaanut politikkikkut aalajangiinerup qulakkeerneqarnissaa, suliassami pingaarnersarigaat taanna isumaqarpoq.
- Poortuutissat pillugit nalunaarut qanoq sivisutigisumik pinerpoq suliarineqarsimasoq, aamma Nuuk Imiup siunissaanik qularnarsititsisimasoq pillugu oqaluttuaq amerlanerpaat nalunngilaat. Tamanna qularnartoq sukkanerpaamik erseqqissartinniarsarissavarput, suliffeqarfiullu suliffiit attatiinnarlugit ingerlaqqinnissaa qulakkeerniarsaralugu, Kuupik Kleist Sermitsiaq.AG-mut oqarpoq.
Qaamasumik siunissamik pilersitsinissaq
Siunissap taarani qaamasuunera Nuuk Imermi piginnittunut qulakkeertissallugu pingaartuusoq taassuma oqaatigaa.
- Piginnittut aamma siunissami Nuuk Imiup suli piunissaanut isumaqarlutik sulissuteqarnissaannut aamma tunngalluinnarpoq, suliffeqarfiup matujartornissaa pinnagut. Taamaammat matumani erseqqissaanissaq ilaatigut pingaaruteqarluinnarpoq. Kisianni qanorpiaq iliorumaarnerlunga suli oqaatigisinnaanngilara, Kuupik Kleist oqarpoq.
Nuuk Imeq pingasunik piginnittoqarpoq: Kommuneqarfik Sermersuup piginneqataassutaat anginerpaallutik 36,28 procentiupput, Carlsberg Breweries aamma Royal Unibrew 31,86 procentinik piginneqataassuteqarput.
Siunissaq qularnartoq
Nuuk Imermi siunissaq maanna qularnarpoq, taannalu 2018-ip naanerani matunissamut piareersimavoq. Naalakkersuisut poortuutissanut inatsit ammanerulersinniarlugu isumaliuteqarnerannik tamanna pissuteqarpoq, taamaalilluni assersuutigalugu qillertuusanik puullik eqqunneqarsinnaalissagamik. Tamanna Nuuk Imeq matuneqarneranik kinguneqassaaq, suliffeqarfik taama isumaqarpoq.
Namminersorlutik Oqartussat poortuutit pillugit inatsit nutaaq ukiormanna marsimili nalunaaruteqarfigisussaagaluarpaa. Aalajangiinissarli arlaleriarluni kinguartinneqarpoq, tamatumalu maqiterivimmi Nuuk Imermi siunissaq qularnarsisippaa.