Politikki

Kuupik Kleist Kim Kielsenimut: Qinersititsiniarit

Siumukkut isumaqatigiinnginneranni Kim Kielsen sanngiillisitaagami immikkut iliuuseqartariaqalersoq siornatigut Naalakkersuisut siulittaasuat Kuupik Kleist isumaqarpoq

Kuupik Kleist isumaqarpoq Siumumi pissaaneqarniunnerup inuiaqatigiit tamaasa eqqorai.

Kuupik Kleist, marloriarluni IA sinnerlugu Naalakkersuisuni ilaasortaareersoq ukiorpassuarnilu politikkimik misilittagaqartoq, isumaqarpoq qinersititsinissaq kisimi periarfissaalersoq maanna Siumukkunni pissaaneqarniunneq qaangerneqassappat.

- Naalakkersuisut siulittaasuat minnerpaamik nammineq partiimini tunuliaqusersorneqannginnami aqutsisinnaanikkut naalakkersuinikkullu anguniagaqarnikkut sanngiillisarneqarneqarpoq annertuumik, Kuupik Kleist oqarpoq.

Atuaruk: Vittus Qujaukitsoq: Naalakkersuisunit tunuarpunga

Sulinermik kinguarsaasoq
Siumukkut Naalakkersuisooqatigiillu akornanni eqqissisimannginneq qularnanngitsumik Naalakkersuisut siulittaasuata sulineranut akornusiivoq. Kuupik Kleistip naliliinera malillugu Kim Kielsenip politikkikkut naalakkersuisunilu angusaqarsinnaanera partiimi tapersersorneqannginnerup sanngiillisippaa.

Taanna isumaqarpoq Siumukkunni tusiattoqarnera pissutigalugu innuttassut sullinneqarnerat eqqornerlunneqartoq Naalakkersuisuni ilaasortat taarserneqarnerisigut politikkikkut anguniakkat kinguarsarneqarput. Kuupik Kleistip nassuiaanera malillugu Naalakkersuisuni ilaasortanngortut suliat iserfiginiaqqaartarpaat aammalu atorfinilinnik suleqateqarneq sungiunniaqqaarneqartussaasarmatigit suliat kinguarsarneqartartut.

Atuaruk: Karl-Kristian Kruse naalakkersuisunngoqqittoq

- Allatut oqaatigalugu: partiip iluani pissaaneqarniunneq tamanit takuneqarsinnaasoq naalakkersuinikkut siunnerfiit tunulliunneqarnerannik kinguneqarpoq, naggataatigullu inuiaqatigiit ingerlanneqarnerannut sunniuteqarnerlulluni, Kuupik Kleist oqarpoq.

Atuaruk: D: Naalakkersuisut nukillaajallaqqapput

Allaaserisaq tamaat aviisimi AG-mi atuaruk, taanna pisiniarfinni ullumi pisiarisinnaalerpat. Aviisi uani aamma pisiarinissaanut periarfissaqarputit:

Powered by Labrador CMS