Skip to main content

Kuupik Inatsisartut ICC-mut aallartitaanut sinniisinngorpoq

Inatsisartunut qinerneqarsimanngitsut arlallit Inatsisartunit siunnersuisooqatigiinnut aalajangiisartunullu ilaasortatut toqqarneqarput Inatsisartut pingasunngornermi inissititermata. Kuupik V. Kleist Inuit Ataqatigiit sinnerlugit Inatsisartut ICC-mut aallartitaanut sinniisinngorpoq.

Inatsisartut ataatsimiisititalianut aamma siunnersuisooqatigiinnut aalajangiisartunullu ilaasortassanik pingasunngornermi inissititerlutik ataatsimiinnerminni toqqartuipput.

Inatsisartullu suleriusaat naapertorlugu Inatsisartuni ataatsimiititalimi ilaasoq imalunniit siunnersuisooqatigiinnut aalajangiisartunullu ilaasortaq toqqarneqarsinnaavoq Inatsisartuni ilaasortamit taanna Inatsisartut ataatsimiittarfiannit siunnersuutigineqarpat.

Ilaasortassatullu toqqarneqartut nalunaarsorsimaffiat najoqqutaralugu takuneqarsinnaavoq toqqarneqartut imaluunniit sinniisissatut toqqarneqartut arlallit Inatsisartunut qinigaanngitsut.

Taakkualu ilagaat Naalakkersuisut siulittaasorsimasaat aamma Inuit Ataqatigiit siulittaasorisimasaat Kuupik V. Kleist.

IA-p siulersuisuunerinit siunnersuutigineqartoq

Inuit Ataqatigiit siulittaasua, Sara Olsvig, Siumumeersut Karl Kristian Kruse aamma Jens Danielsen peqatigalugit Inatsisartut ICC-imut aallartitaattut toqqarneqarpoq. Siumukkormiullu Inatsisartunut qinikkanik sinniisussaminnik toqqaasimasut Inuit Ataqatigiit Inatsisartunut qinigaasimanngitsumik toqqaasimapput. Tassami Kuupik V. Kleist Inatsisartut ICC-mi aallartitaattut toqqarneqarmat.

Inuit Ataqatigiit siulittaasut Sermitsiaq.AG-mut oqarpoq Inuit Ataqatigiit siulersuisuunerisa siunnersuisooqatigiinnut aalajangiisartunullu ilaasortassatut siunnersuutaat Inuit Ataqatigiit Inatsisartuni ilaasortaatitaasa malittaraat.

- Siunnersuutigineqartunullu ilaavoq Kuupik V. Kleist, Sara Olsvig oqarpoq.

Sara Olsvigilli aamma malugeqquvaa Inuit Ataqatigiit Inatsisartuni ilaasortaatitaasa siunnersuutigineqartut atuuffissaminnut piginnaasaat aamma qiviartaraat.

- Uanilu Kuupik V. Kleistip Issittumi aamma nunanut allanut pissutsinut kiisalu nunap inoqqaavinut tunngatillugu piginnaasai qularutigisimanngilagut, Sara Olsvig oqarpoq.

Demokraatit: Qinikkat politikkissapput

Siumukkormiut aamma Inatsisartunut qinigaanngitsunik toqqaasimasut Demokraatit aamma Inatsisartunut qinigaanngitsunik Nuna Fondimi ilaasortassanik toqqaasimapput.

Demokraatimmi Kim Hanse Nuna Fondip siulersuisuini ilaasortassatut toqqarsimavaat, tassungalu aamma Ari Biilmann Egede sinniisissatut toqqarsimallugu.

Demokraatit siulittaasuat Randi Vestergaard Evalsen Sermitsiaq.AG-mut oqarpoq partiip Kim Hansen toqqarsimagaa Nuna Fondimi siulersuisuni ukiuni arlalinni ilaasortaasimammat:

- Nuna Fondimi sulinerup ataavartumik ingerlanissaat kissaatigivarput, soorlu aamma Ari Biilmann Egede piginnaasaatigut sinniisissatut piukkullugu toqqarsimallutigu, Randi Vestergaard Evaldsen oqarpoq, nangillunilu:

- Pingaartipparput qinikkat suliassatik suliarissagaat. Taamaaliorluta aamma ilaasortat immikkut pisinnaasallit atorneqarnissaat angussavarput.

Inatsisartunut qinigaasimanatik toqqarneqartut allat ataani takusassiami takuneqarsinnaapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER