guld
kuulti Kuultisiortut qinnuteqaammik massakkut nassiussissasut
Kujataani Uunartumi annikitsumik aatsitassarsiorsinnaanissamik qinnuteqaat kingusinnerpaamik septemperip 15-ni nassiunneqassaaq.
Nunatsinni kuultisiorusukkaanni qinnuteqaammik massakkut allattoqassaaq.
Pineqartut tassaapput sumiiffiit marluk 10 kvadratkilometer-nik isorartussusillik kujataani Uunartup eqqaaniittut.
Aasap aallartilaarnerani Aatsitassarsiornermut Naalakkersuisoq, Muté Bourup Egede (IA) nalunaarpoq piffiit taakku marluk annikitsumik aatsitassarsiorfissatut inniminnenneqassasut.
Akuersissut siornatigut Nunaminerals-mit pigineqarsimasoq tassani pineqarpoq.
Qinnuteqaatit kingusinnerpaamik 15. september nassiunneqareersimassapput.
Aatsitassanut ikummatissanullu aqutsisoqarfik nalunaarpoq akuerineqassangaanni minnerpaamik makkua naammassineqarsimassasut:
Nunatsinni najugaqarnissaq akileraartussaatitaanerlu - minnerpaamillu ukiuni tallimani taamatut inissisimasimanissaq.
Aatitassanut ikummatissanullu aqutsisoqarfiup nittartagaatigut annikitsumik aatsitassarsiornermut pilersaarutit paasisaqarfiginerusinnaavatit.