Nuuk

Kunngissap Arctic Winter Games nittarsaatissavaa

Kunngissaq Frederik Arctic Winter Gamesimut illersuisunngorpoq. Taamaasilluni nunanut tamalaanut nittarsaasseqataassaaq

Kunngissaq Frederik

Arctic Winter Games 2016-ip aallartinnissaanut ukiup affaananngullartoq aaqqissuussinissamut angisuumut illersuisuusussamik inissiisoqarpoq.

Kunngikkormiusut Ataqqinassusilik Kunngissaq Frederik, Arctic Winter Games 2016-imut illersuisutut peqataassaaq. Timersornerup tungaatigut aaqqissuinerup misilittagaqarluarpoq, tassami nunat tamalaat akornanni kattuffissuarmi IOC-mi ilaasortaavoq 2009-mili.

Arctic Winter Gamesimut aaqqissuinissamut tamanna iluaqutaassaaq arlaatigut.

Nunatsinnut soqutigisaqarluartoq
Danmarkip Kalaallit Nunaatalu ataqatigiinnerannut nukittorsaaqataavoq, tassami Kunngissaq Frederik Kalaallit Nunaannut soqutiginnittorujussuuvoq.

Kommuneqarfik Sermersuumi Borgmesteri, Asii Chemnitz Narup, Inuit Ataqatigiit, unammersuarnissat qilanaarai nuannaarutigalugulu Kunngissaq Frederik aaqqissuussinissamut angisuumut illersuisutut inissimmat.

- Kunngikkormiusut Ataqqinassusilik Frederik, Arctic Winter Games 2016-imut Nuummi ingerlassasussami illersuisujumalluni angernera isumaqartorujussuuvoq. Tamassuma erseqqissarpaa nukittorsarlugulu Danmarkip aamma Kalaallit Nunaata akornanni attaveqatigiinnerup pingaaruteqarnera aammattaaq Kunngissap Kalaallit Nunaannut asanninneranut attaveqarneranullu ersiutaalluni

Powered by Labrador CMS