kunngikkormiut
Kunngikkormiut Kalaallit Nunaannut aasaanerani angalanertik aallartippaat
Kunngikkormiut kunngip umiarsuaanik Dannebrogimik Kalaallit Nunaat piffissami 8.-22. juli 2015 tikeraassavaat
Dronningip uiatalu Kalaallit Nunaanni angalanissaat ullumi pingasunngornermi aallarnerneqassaaq.
Tikeraarnermilu avannaani kitaanilu tikeraarnissat pilersaarutaapput.
Dronningip tikeraarnini Tunumi Ittoqqortoormiinut, Station Nordimut, kiisalu avannaani Pitffimmut Savissivimmullu tikeraarnerminik aallarnissavaa. Angalanerup ilaa taanna kunngikkut umiarsuaat Dannebrog angallatiginagu ingerlanneqassaaq.
Kitaanilu kunngikkormiut Dannebrog angallatigalugu Upernavimmut, Ukkusissanut, Qullissanut, Saqqamut, Ilulissanut, Qasigiannguanut, Kitsissuarsunnut, Sisimiunut, Kangaamiunut, Maniitsumut Nuummullu tikeraassapput.
Silap allanngorneratigut pilersaarutit allanngortinneqarsinnaasassapput.
Taamak Kunngip Illussaarsuanit nittartakkakkut quppernikkut nalunaartoqarpoq.
Pingasunngormat kunngikkormiut Station Nord Villum Reserach Stationilu tikeraassavaat.
Allaaserineqartoq tamaat Nuuk Ugeavisimi atuarneqarsinnaavoq. Aviisimi assigiinngitsunik atuagassaqarpoq. Nuuk Ugeavis akeqanngitsumik ataani aaneqarsinnaavoq: