Pinngortitami ajunaarnersuaq
Kunngikkormiut aningaasaateqarfiat malissuarmit eqquguaasunut tapiissuteqartut
Dronningip prins Henrik-iulli malissuaqarnerup kingorna sanaqqinnissamut 200.000 koruuninik tapiissuteqarput
Dronning Margrethe aamma prins Henrik Nunarput arlaleriarlutik tikeraartarsimavaat.
Taamaammallu arfinginngornerup siuliani Uummannap eqqaani malissuup nunaqarfiit ilai aserorterungaatsiarsimanera attortissutigisimavaat.
Kunngikkormiulli Dronning Margrethes og Prins Henriks Fondini Røde Korsit piffimmi suliaqarnerat 200.000 koruuninik tapiissuteqarfigissallugu aalajangersimapput.
Inuit allamik inissiartaartinneqassasut
Aningaasat inunnut ulissaarsuarmit eqqortissimasunut ikiuutaassapput. Taakku alamik inissiartaartinneqassapput kingornalu inigisimasaat aserorsimaqisut sanaqqinneqassallutik.
Aamma atuaruk: Tassa anguneqarpoq: Islandimi katersuiniartut 1 millionit koruunit pallippaat
Tapiissutigineqartut Dansk Røde Korsimit Kalaalllit Nunaanni Røde Korsimut ingerlateqqinneqassapput.
Tassani ilisimaneqarpoq pinngortitami ajunaarnersuarmit eqqugaasimanerpaat qanoq pitsaanerpaamik ikiorserneqarnissaat.
7,5 mio. koruunit sinnillit
Taamaasilluni eqqugaasunut tapersersuilluni katersuiniarnermit aningaasat 7,5 mio koruunit sinnerlugit maannamut katersorneqarsimapput.
Ulissaarsuarmit atortorissaarutit sequminneqarsimasut saniatigut inuit arlallit aqqunaatitsersimapput. Inuit sisamat ajunaarsimasutut ilimagineqarput.