qimmit nappaataat
Kulusumi qimmit nappaateqarneri ilimagineqartut
Qimmit nappaataa Tunumi nunaqarfimmi pilersimasinnaanera, Kulusumi Piniartut kattuffiani siulittaasup ernumassutigaa. KNR allappoq.
Piffissami matumani qimmit 300-t akornanni sisamat Kulusumi toqusimapput, taakkuli toqusut qimmit nappaataanik takussutissaqarlutik. KNR allaaserinnippoq.
Taamaattoq suli qimmit nappaateqarnersut suli maannamut uppernarsarneqanngilaq.
- Uagut qimmiutillit isumaqarpugut piaartumik uumasut nakorsaanit nalilersuisoqarnissaat kissaatigaarput misissuisiqarnissaat. Eqqortumik sukumiisumillu paasineqarniassammata ilumut qimmit nappaataasimasinnaanersoq taanna toqussutigisartagaat, taamaalilluni allanut nunaqarfinnut siaruannginnissaat kissaatigalugu qimmeqarfinni, Pele Maratse KNR-mut oqarpoq.
Sapaatip-akunnerata aallartilaarnerani Upernaviup nunaqarfiani Naajaani qimmit nappaateqarnerinut ilisimasunnerup kingorna 20-t toqunneqarsimapput.
Aamma atuaruk: Qimmit nappaataanik ilimasunneq