Nuuk Nordisk

Kulturisioqatigiinnermik suliniummik aqutsisoq taamaatittoq

Nunat Avannarliit Nuummi Kulturisioqatigiinnissaat aallartinnissaata qaammat ataaseq affaalu sioqqullugu, pilersaarusiortut ilaat taamaatippoq.

Rickard Borgström ses her til højre sammen med Pipaluk Lind, der også er projektleder i Nuuk Nordisk Kulturfestival.

Suliniummik aqutsisoq Rickard Borgström septembarip aallaqqaataani taamaatippoq.

Sulisunut tunngassutilik
Kulturisioqatigiinneq annertooq, oktobarip 16-annit 21-annut ingerlanneqartussaq, Kommuneqarfik Sermersuumit aamma Nunatsinni Nordens Institut aaqqissuussaraat.

- Rickard Borgström festivalimut attuumassuteqarunnaarnera ilumoorpoq. Suleqatigiinneq illuatungeriit akornanni isumaqatigiinnikkut maannakkorluinnaq atorunnaarpoq. Tamanna tunuliaqutigalugu, aammalu sulisunut tunngassuteqarmat, suliaq oqaaseqarfigeqqikkusunngilara, Mats Bjerde, Nunatsinni Nordens Institutimi pisortaq, Sermitsiaq.AG-mut oqarpoq. Rickard Borgström oqaaseqartissinnaasimanngilarput.

Mats Bjerdep festivalertoqarnissaa ernumassuteqarfiginngilaa, naak suliniummik aqutsisut ilaat aaqqissuussap aallartiliivinnerani taamaatissimagaluartoq.

Ajoraluartoq
- Soorunami ajoraluarpoq, kisianni suliniummut pimoorussisorpassuaqaratta ajornavianngilaq. Festivalimi nukippassuarnit assigiinngitsunit suliarineqarpoq, aamma kulturilerinikkut siammasissumik suleqatigiinnerulluni, Mats Bjerde naqissusiivoq.

Kommuneqarfik Sermersooq suliniutip aqutsisussanik paarlatsissanik isumaginnippoq, taanna suliniummik aqutsisoq taamaatittoq taarserlugu.

- Torrattumik programmeqarpugut, kisianni innuttaasunut attaveqarniarnerput kinguaattooqqavoq. Tamannali iliuuseqarfiginiarlugu iliuuseqalerpugut, pisortaq oqarpoq.

Festivali siullermik 2015-imi ingerlanneqarpoq, ukiorlu allortarlugu ingerlanneqartarnissaa pilersaarutaavoq.

Festivali pillugu
Festivali pillugu nittartakkami ima allattoqarpoq:

- Nunat Avannarliit Nuummi Kulturisioqatigiinnissaat tassaavoq kulturikkut pikialaartitsineq ullutsinnut naleqquttoq kulturisioqatigiinnermilu sammisat assigiinngitsut akimorlugit nutaalianik saqqummersitsisoqassalluni, avataaniit takutitsisoqassalluni tusarnaartitsisoqassallunilu. Sapaatip akunnerata ataatsip iluani kulturisioqatigiinneq nunatsinni illoqarfiit pingaarnersaani Nuummi sumiifinni 50-nik sinnilinni ingerlanneqassaaq.

- Nuuk Nordisk er en samtids- kulturfestival, som præsenterer et væld af nyproduktioner, gæstspil, koncerter og meget mere, på tværs af kunstarter. I én uge, udspiller festivallen sig på mere end 50 venues i Grønlands hovedstad Nuuk.

Powered by Labrador CMS