nalliuttorsiorneq
Kulturip illorsuani nuannanneq - videokkut inuulluaqqusinerit takukkit
Kulturip illorsuata Katuap ukiuni 20-nngortorsiornera aallartilluarpoq, meerarpassuit nuannaarput. Kulturip illorsuanit inuulluaqqusinerit takukkit.
Ullumikkut pingasunngorneq Nuummi kulturip illorsuanut Katuamut nuannaffiuvoq. Meerarpassuit illoqarfiup meeqqerivianinngaanneertut kulturip illorsuata nalliuttorsiornera, unnugu qummoroortarnermik naggaserneqartussaq malunnartippaat.
Sermitsiaq.AG-mi videokkut inuulluaqqusinerit takukkit
Tassami kulturip illorsua ukiut 20-t matuma siorna atoqqaarfissiorneqarpoq. Ulloq malunnartinniarlugu pingasunngornermi meeqqanut inersimasunullu pisussarpassuaqarpoq.
Kulturip illorsua suleqatigalugu tusagassiorfiup Sermitsiaq.AG-p videokkut nalliuttorsiorfimmit inuulluaqqussuteqarsinnaaneq periarfissaatippaa, taanna maani nittartakkami takuneqarsinnaavoq.
Ullormi ilaatigut Klovni Miki meeqqanut aliikkusersuissaaq, 'Åh Abe' tusarnaartitsissaaq, aamma nuannarineqarluartoq Hinnarik aliikkusersuissaaq.
Atuaruk: Nukâka isiginnaartitseqaannginnermini: "Nuannaarpunga tulluusimaarlugalu"
Ullup ingerlanerani aamma Ulf Fleicher aamma Eigil Petersen tusarnaartitsissapput, Nuummi isiginnaartitsisartut peqatigiit N.A.I.P aliikkusersuissapput, Hans Lyngep ineresuaani aamma unnugu isiginnaartitsisoqassaaq.
Naggataagullu Katuap saavani qummoroortartoqassaaq.
Pisussat tamaasa uani takukkit