kingornussassat

Kulturi isertitassanik nutaanik periarfissiivoq

Realdania By og Bygip Ilimanami Poul Egedep Illua atoqqaarfissiussavaa

Poul Egedep illuata suliareqqinneqanngikkallarami isikkua

Nunaqarfimmi Ilimanami, Ilulissat Kangiata kujataaniittumi, KGH-p illuutai eqqissisimatitat marluk ukiuni pingasuni iluarsaanneqarnerat maanna naammassivoq. Taamatut nittartakkamigut paasissutissiivoq Realdania By og Byg.

Illut taakkua marluk 1700-ukkunneersut juunip 15-ianni atoqqaarfissiorneqassapput: Ajoqersuisartortitap niuertullu Poul Egedep illua, aamma naalakkap illuanik taaneqartartoq, pisiniarfitoqarlu, købmandsgårdimik taaneqartartoq.

Sermitsiaq taama allappoq.

Siunissami paasissutissiinermut centeritut, neriniartarfittut pisiniarfittullu atorneqarlutik kulturimit pinngortitamillu kingornussanik siammarsaaqataaffiussapput pinngortitamilu takornariarnermik siuarsaaqataassallutik, tamannalu Unescop nunarsuarmi kingornussassatut allattorsimaffiani oqaatigineqarsimavoq nunatta pinngortitamik kulturimillu avatangiisiattut nalissaqanngitsutut.

Qanga arfanniartarfiusimasoq; siunissami takornariaqarnermik, pinngortitamik, aalisarnermik, kulturikkut kingornussanik atasinnaassutsimillu nalissaqanngitsumik eqiteriffiusussaq, Realdania oqaluttuarpoq.

Sermitsiami paasisaqarnerugit

Powered by Labrador CMS