Nanortalik
Kujataani X-Factorimik unammisitsineq
Nanortalimmi erinarsornermik unammisitsineq aqagu arfininngornermi aallartinneqassaaq. X-Factorimik unammisitsinermi kujataani sumiiffiit assigiinngitsut unammisitsereerneranni naggataarutaasumik unammisitsisoqarumaarpoq kingusinnerusukkut
Kujataani nipilersornermik unammisitsinerit anginersaat Nanortalimmi, Narsarsami Qaqortumilu ingerlanneqassaaq.
Nanortalimmi unammisitsineq aqagu arfininngornermi aallartinneqassaaq. Atuarfiup aulani misilitsinnerit nalunaaqutaq marlunut aallartinneqassapput.
- X-Factoerimik unammisitsisoqarpoq kingullermik ukiut pingasut matuma siorna. Tassani inuit 50-t peqataapput. Unammisitsinermi inuit amerlanerusut peqataanissaat naatsorsuutigaarput, aaqqissuussarmi maannakkut anginerujussuuvoq, Nanortalimmi kulturikkut ingerlatsivimmi atorfeqartoq, Minik Frederiksen oqarpoq.
Ajugaaniutivinneq
Narsami Qaqortumilu aamma assingusumik aaqqissuussisoqaleruttorpoq, qaqaguli misilitsittoqarnissaa pissanersoq suli ilisimaneqanngikkallarpoq.
Illoqarfinni taakkunani pingasuni ajugaasut naggataarutaasumik unammisinneqarumaarput.
Ajugaaniutivinneq qaqagu ingerlanneqassanersoq suli aamma inissinneqanngilaq.
- Ajugaaniutivinneq februaarip naanerani imaluunniit marsip aallartinnerani ingerlanneqassagunarpoq, Minik Frederiksen oqarpoq.
Ajugaasoq soorunami akissarsitinneqarumaartoq Minik Frederiksenip oqaatigaa, ajugaasorli sunnassanersoq suli isertuunneqarallarpoq.