Kujataani urani pillugu paasisitsiniaasoqalerpoq

Naalakkersuisut Kujataani innuttaasunut urani pillugu paasisitsiniaanissamut aggersaapput. Paasisitsiniaanissat siorna junimi innuttaasunik ataatsimiisitsisarnerit assigalugit politikerinik peqataaffigineqassanngillat.

Taama Namminersorlutik Oqartussat Tusagassiiviat tusagassiuutinut nalunaaruteqarpoq.

Namminersorlutik Oqartussanit nalunaarutigineqartut naapertorlugit paasisitsiniaanermi oqalugiartussat tassaapput immikkut ilisimasaqarfimminni, geologiimi, avatangiisinik illersuinermi, aatsitassarsiornermi innuttaasunillu ilanngussuinermi ukiorpassuarni misilittagaqartutut ilisimatuut misilittagaqarluartut.

Illoqarfinni ukunani paasisitsiniaasoqassaaq:

• Narsaq 23. marts
• Nanortalik 24. marts
• Qaqortoq 25. marts
• Narsarsuaq 26. marts