Aalisarneq
Kujataani sinerissap qanittuani saarulleqanngilaq
Pinngortitaleriffimmiit misissuinerit takutippaat Kujataani sinerissap qanittuani saarulliit ikittuinnaasut
Kujataani aalisartut piniartullu peqatigiiffiisa arlaqartut nalunaarutigereerpaat, sinerissap qanittuani saarullinniarneq ukiut kingulliit ingerlaneranni ilungersunartorsiorfiusoq, tamannalu aamma aalisartunut piniartunullu aningaasatigut ilungersunartorsiortitsinermik kinguneqartartoq.
Taamaattoqarnera sinerissap qanittuani saarulliit amerlavallaannginnerannik pissuteqarpoq.
Pinngortitaleriffimmiit kisitsisit aamma misissuinerniit paasissutissat takutippaat, Kujataani sinerissap qanittuani saarullinniarnermik inuussutissarsiutillit ernumanissaminnut pissutissaqarluartut.
Anja Retzel, Pinngortitaleriffimmi Nuummiittumi ilisimatusartoq, oqarpoq, ukiut kingulliit ingerlaneranni Kujataani saarulliit tulaanneqartartut amerlanerpaartaat avataani saarullinniarnermit pisaasut.
- Aalisarnermit pisanik allattaavinni tunisinermilu paasissutissanit takusinnaavara saarulliit tulaanneqartartut amerlanerpaartaat avataasiutinit, soorlu Polar Nukamit aamma Polar Aassimmit, Polar Seafoodimiit pigineqartuniit, pisarineqartartut. Paasissutissat tamakku aallaavigalugit takuneqarsinnaavoq aalisakkeriviit avataanit pisarineqartartuniit annerpaamik pilersorneqartartut, Anja Retzel oqarpoq, taamaalilluni sinerissap qanittuani kangerlunniluunniit saarulleqannginneranik aalisartut oqaatigisartagaat uppernarsarlugu.
Allaaserineqartoq tamaat aviisimi Tamanut Kujataanimi atuarneqarsinnaavoq. Aviisi akeqanngitsumik aaneqarsinnaavoq: