Kujataani saarullittat ikileriarujussuartut
Uumassusilerisut 20.309 tonsinik saarulli assiisoqarnissaa siunnersuutigaat – Naalakkersuisut saarulli assiissutitik 57.500 tonsinut aalajangerpaat
- Ukiuni kingullerni Marraap kujataani sinerissap qanittuani saarullinnik takusimanngilagut, Royal Greenlandimi (RG) saarullinniarnermi ingerlatsinermut pisortaq, Sten Sørensen, Sermitsiamut oqarpoq.
Akerlianik Kitaata avataani misileraalluni saarullinniarnerit RG-ip Paamiuni aamma Arctic Prime Fisheriesip Nanortalimmi aalisakkeriviinik ingerlatitsisuupput.
– Saarulliit avannarput misigaarput, taamaattumik Kangaatsiap eqqaani pisaqarluartoqartarpoq aamma Qeqertarsuup Tunuani nutaatut pisaqarluartoqartarpoq, Sten Sørensen, oqarpoq.
Assersuutigalugu Qeqertarsuup Tunuani juulimi saarulliit 1.313 tonsit tunineqarput, uffa 2016-imi juulimi 937-iusut aamma 2015-imi juulimi 362 tonsiusut.
– Kisianni Paamiuni, Narsami Aappilattu- milu RG-mi aalisakkeriviutitsinnut sineris- sap qanittuaneersunik tunisisoqanngilluin- nangajattarpoq, Sten Sørensen, oqarpoq.
Kitaani 12.379 tonsinik saarullittassiisoqassasoq uumassusilerituut siunnersuutigaat Naalakkersuisulli pingasoriaammik amerliliipput 36.500 tonsinillu saarullittassiillutik (inuussutissarsiutigalugu aalisartunut 35.000 tonsit sunngiffimmilu pinialuttartunut 1.500 tonsit).
Allaaserisaq Sermitsiaq aviisimi tamakkerlugu atuaruk, aviisi uani digitaliusoq pisiariuk: