nersugaaneq

Kujataani pinngortitap ilaa nunarsuarmi kingornussassanut ilanngunneqarpoq

Kujataani pinngortitap ilaa Nunarsuarmi eriangisassatut Naalagaaffiit Peqatigiinni ataatsimiititaliarsuup akuereqqammerpaa.

Kujataani pinngortitaq kusanarluinnartoq nunaateqarfik Naalagaaffiit Peqatigiivisa akornanni nunarsuarmi kingornussarititaanut ilanngunneqaqqammerpoq.

Kultureqarnermut Naalakkersuisup, Doris Jakobsenip Naalagaaffiit Peqatigiivinit nalunaarfigiteqqammerpoq pinngortitaq qinnutigineqarsimasut allattorsimaffimmi akuerineqarluni ilanngunneqartoq.

Piffik Igalikup Kangerluani Tunulliarfimmilu kangerluit tallimat immikkoortoqarfiit pineqarput.

Tassaasut Igaliku, Qassiarsuk, Sissarluttoq, Tasikuluulik aamma Qaqortukulooq-Upernaviarsuk.

Davisstrædip sermersuullu nalaanni nunataq qallunaatsiat najugaqarfigisimaat kingornalu Inuit 1700-ukkunni najugaqarfigilersimasaat Ataatsimiititaliarsuup aalajangiiniarnermini immikkut isiginiarsimavaat.

Ilulissat kangerlua Nunarsuarmi eriangisassatut allattorsimaffimmeereerpoq.

Kultureqarnermut Naalakkersuisoq, Doris Jakobsenip nersugaaneq Ilulissat kangerluanisuulli pitsaasumik kinguneqarumaarnera tusagassiuutinut nalunaarummi allaaseraa.

Powered by Labrador CMS