Piniarneq
Kujataani piniarnermik inuuniuteqarneq ajutoorluinnalerpoq
Kujataani piniartut amerlasuut aningaasanik isertitaqanngillat, siunissamilu pitsanngoriaateqartoqarnissaanik neriuuteqaratik. Taamaattumik Aalisarnermut Piniarnermut Nunalerinermullu Naalakkersuisoq immikkut iliuuseqaqquneqarpoq
Kujataani aalisartut piniartullu peqatigiiffiisa arlallit ilaasortamik amerlasuut piffissami sivitsortumi aningaasanik isertitaqanngilluinnarsimanerat ilisimatitsissutigaat. Tamannalu inuuniarnikkut aningaasaqarnikkullu ajornartoorluinnarnermik kinguneqarpoq. Ilaatigut Kujataani sumiiffinni assigiinngitsuni sikuunera pissutaalluni umiatsiaaqqanik angalaniarneq piniarniarnerlu ajornakusoorluinnarput.
Piniartut piniarfinnut imaluunniit aalisarfinnut umiatsiaaqqamik amerlasuutigut ungasissumut angalasariaqartarput. Aningaasanillu isertitaqannginnertik pissutigalugu, angallatinik angineru sunik pitsaanerusunillu pisaarniarneq ajornaku soortorujussuuvoq.
Angallatimmi anginerusut atorlugit ungasinnerusumut angalasoqarsinnnaannera qulakkeerneqarsinnaagaluarmat, ilaatigut kangerlunni saarulliit aalisarneqarsinnaalissagaluarlutik. Piffissamilu matumami sikuunera pissutigalugu piniartut amerlasuut aallarsinnaanatik nunamiiginnartariaqarput, amerlasuutigullu nuliaasup aappaasulluunniit aningaasarsiaanik isumalluuteqartariaqartarlutik.
Pissutsit tamakku pissutaallutik piniartut aalisartullu ilaat isumaqarput, piniarnermik inuussutissarsiuteqarneq ajutoorluinnalersimasoq, allannguisoqanngippallu siunissaq isumalluarnartoqanngitsutut nalilerneqarluni.
Aalisarnermut Piniarnermut Nunalerinermullu Naalakkersuisoq, Karl-Kristian Kruse, Siumut, februaarip qiteqqunnerani Kujataanut angalavoq Qaqortumi, Narsami aamma Nanortalimmi, piniartunik aalisartunillu ataatsimeeqateqariartor luni.
Allaaserineqartoq Tamanut Kujataanimi tamaat atuarneqarsinnaavoq. Kujataani pisartut pillugit allanik aamma atuartoqarsinnaavoq. Tamanut Kujataani akeqanngitsumik ataani aaneqarsinnaavoq: