pisinnaatitaaffiit

Kujataani: Oqartussaasut oqaloqatigineqarsinnaapput

Pisortaqarfiit sisamat ataatsimoorlutik Kujataa sinerlugu angalaarput, nunap ilaani assigiinngitsuni innuttaasunik paasisitsiniaallutik

Ikiu, Atuisartoqarnermut Unammilleqatigiinnermullu Aqutsisoqarfik, Sulisilluni Ajoqusernerit pillugit Sullissivik Sullivinnillu Nakkutilliisoqarfillu innuttaasut periarfissaannik paasititsiniaallutik kujataani angalapput.

Peter Fleischer Rexip Sulisillutik Ajoqusernerit pillugit Sullissivimmeersup nuannaarutigaa illoqarfinni nunaqarfinnilu inutttaasut pisortaqarfiit saaffiginnissutaannut malinnaalluarmata.

- Attaveqaatitta tamarmik illoqarfinni nunaqarfinnilu nivinngaavinnut paasisitsiniaanitsinni paasissutissat nivinngartitersimavaat. Tamanna nuannaarutigeqaarput, tassa inuit qanittuminngaanniit ungasissuminngaaniillu ornilluta oqaloqatiginnikkiartornerinut iluaqutaammata. Amerlanerusut apeqqutimik akineqarnissaat pillugu saaffiginninnissaat kissaatigaarput, Peter Fleischer Rex tusagassiutinut nalunaarummi oqarpoq.

Taakku inunnik isumaginninerup iluani, ineqarnerup aamma atuisartoqarnerup iluani, inatsisitigut siunnersuineq, sulisilluni ajoqusernerit aamma aalisartunut, piniartunut savaatilinullu sulisilluni ajoqusernernut sillimmaserneq pillugit paasissutissiisinnaapput aqqutissiuisinnaallutillu.

Angalanissamut pilersaarut illoqarfinni nunaqarfinnilu nivinngaavinni takuneqarsinnaavoq, ullaallu tamaasa tikiffissap tullia radiokkut nalunaarutigineqartassalluni.

Powered by Labrador CMS